- અંબાણી પરિવાર પહોંચ્યો સિદ્ધિવિનાયકના દર્શને
- આકાશ અંબાણીને સોશિયલ મીડિયા પર થઇ રહ્યો છે ટ્રોલ
- યૂઝર્સ આકાશના કપડા અને ચપ્પલને કરી રહ્યા છે કમેન્ટ
Akash ambani trolled: મુકેશ અંબાણી અને તેમનો પરિવાર સોશિયલ મીડિયા પર ચર્ચામાં રહે છે. તો બીજી તરફ લોકો અંબાણી પરિવાર વિશે દરેક અપડેટ જાણવા માટે ઉત્સુક છે. તાજેતરમાં મુકેશ અંબાણી તેમના પુત્ર આકાશ અંબાણી, પુત્રવધૂ શ્લોકા મહેતા અને પૌત્ર પૃથ્વી અંબાણી સાથે મુંબઈના લોકપ્રિય મંદિર સિદ્ધિવિનાયક પહોંચ્યા હતા. એક વીડિયો વાયરલ થઈ રહ્યો છે, જેમાં અંબાણી પરિવારના સભ્યો મંદિરના પરિસરમાં જોઈ શકાય છે. આ તમામ લોકો ટાઇટ સિક્યોરિટીની વચ્ચે દર્શન કરીને મંદિર પરિસરમાંથી બહાર નીકળતા જોવા મળી રહ્યા છે. જો કે, એક ખાસ કારણોસર લોકોએ આકાશ અંબાણીને સોશિયલ મીડિયા પર ટ્રોલ કરવાનું શરૂ કરી દીધું છે.
ઉલ્લેખનીય છે કે, મુંબઈ ઈન્ડિયન્સની આઈપીએલ મેચ પહેલા મુકેશ અંબાણી પરિવાર સાથે સિદ્ધિવિનાયક મંદિર પહોંચ્યા હતા. જો કે આ વિડીયો દરેકને ખૂબ જ પસંદ આવી રહ્યો છે, પરંતુ કેટલાક સોશિયલ મીડિયા યુઝર્સ આકાશને ટ્રોલ પણ કરી રહ્યા છે. હકીકતમાં, લોકો આકાશ અંબાણીને મંદિર પરિસરમાં ચપ્પલ પહેરવા બદલ ટ્રોલ કરી રહ્યા છે.
ત્યાં કેટલાક લોકો તેના કપડા પર પણ કમેન્ટ કરતા પણ જોવા મળી રહ્યા છે. વીડિયો પર કોમેન્ટ કરતાં એક યુઝરે લખ્યું, 'તેઓ મંદિરની અંદર ચપ્પલ કેમ પહેર્યા છે'. તો ત્યાં બીજાએ લખ્યું છે, 'આકાશ ચપ્પલ અને શોર્ટ્સ પહેરીને મંદિરમાં. એટલે કે પૈસા હોય તો કંઈ પણ કરી શકાય.
આ રીતે લોકો આકાશને તેના ચપ્પલ અને કપડા માટે ટ્રોલ કરી રહ્યા છે. પરંતુ જો તમે વિડીયોને ધ્યાનથી જોશો તો ખબર પડશે કે આકાશ અંબાણી અને તેમનો પરિવાર મંદિરમાંથી બહાર આવ્યા બાદ તેમના ચપ્પલ પહેરે છે. તમે જોઈ શકો છો કે આકાશ અને શ્લોકા થોડીવાર માટે એક જગ્યાએ રોકાય છે, બંને તેમના ચપ્પલ પહેરે છે અને પછી આગળ વધે છે. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
