- ધોળકામાં ચાઈનીઝ દોરીનો મોટી માત્રામાં જથ્થો ઝડપાયો
- ત્રણ આરોપીઓની ગ્રામ્ય SOGએ કરી ધરપકડ
- 7 લાખ રૂપિયાનો મુદ્દામાલ કર્યો જપ્ત
ઉતરાયણ પૂર્વ ચાઈનીઝ દોરીના વેચાણનો પર્દાફાશ થયો છે. ગ્રામ્ય એેસઓજીએ પ્રતિબંધિત ચાઈનીઝ દોરીનો જથ્થો મોટી માત્રામાં કબજે કર્યો છે.એસઓજીની ટીમને બાતમી મળતા એક જ દિવસમાં બે જગ્યાએ રેડ કરતાં કુલ સાત લાખ ના મુદ્દામાલ સાથે ત્રણ આરોપીઓને ઝડપી પાડયા છે
1090 રીલ ચાઈનીઝ દોરીનો જથ્થા સાથે આરોપીઑ પોલીસ જાપ્તામાં
અમદાવાદ ગ્રામ્ય એસઓજી ની ટીમે ધોળકા ટાઉન પોલીસ સ્ટેશન વિસ્તાર માં દીપક રાણા નામનાં આરોપી 302 નગ ચાઇનીઝ દોરી ના જથ્થા સાથે ઝડપી પાડયો છે.. અને દસ્ક્રોઇ તાલુકાના કાશીન્દ્રા ગામ નજીક આવેલ ગ્રીન સોસાયટી પાસે આરોપી ઉત્તમ ઠાકોર અને ધરમ ભાઈ ઠાકોર ચાઈનીઝ દોરીના 1090 રીલ નો જથ્થો લઈને સપ્લાય કરતા હતા તે જ સમયે ગ્રામ્ય એસઓજીની ટીમે આરોપીઓને ઝડપી પાડી તમામ મુદ્દામાલ જપ્ત કરી દીધો હતો.
ઓછી મૂડીમાં વધુ નફાની લાલચ
આરોપીઓની ધરપકડ બાદ પૂછપરછ કરતા ત્રણેય આરોપીઓ છેલ્લા ઘણા સમયથી સીઝનેબલ વેપાર સાથે સંકળાયેલા છે.ઓછી મૂડીમાં વધુ નફો કમાવવાના હેતુથી આરોપીઓ આ ચાઇનીઝ દોરીનો જથ્થો લાવ્યા હતા.એટલું જ નહીં પકડાયેલા ત્રણેય આરોપીઓ હોલસેલમાં પણ ચાઈનીઝ દોરી નું વેચાણ કરતા હતા.જોકે હાલ તો પોલીસે આરોપીઓની ધરપકડ કરી 7 લાખથી વધુ કિંમતનો મુદ્દામાલ જપ્ત કરી લીધો છે.
હાલ તો પોલીસે ત્રણ આરોપીઓની ધરપકડ કરી આ ચાઇનીઝ દોરીનું જથ્થો ક્યાંથી લાવ્યા હતા કોની પાસેથી લાવ્યા હતા અને અગાઉ કોઈને વેચેલો છે કે કેમ તે દિશા માં તપાસ શરું કરી છે.આરોપીઓની પૂછપરછમાં મોટા ડીલરોના નામ સામે આવવાની શકયતા છે.CRPC કલમ અંતર્ગત સત્તા મળતાં પોલીસ હવે ચાઇનીઝ દોરીના તમામ સદર્ભમાં કાયદાકીય કાર્યવાહી કરી શકે છે.
