કોરોના સંકટ / અમદાવાદમાં કોરોનાના 10001 કેસ થયા અને AMC નવા-જૂના કપ્તાનની સ્પર્ધામાં પડ્યું!

• વિજય નેહરા અને મુકેશ કુમાર-રાજીવ ગુપ્તા વચ્ચે સ્પર્ધા
• 5 મે બાદ શહેરમાં ટેસ્ટિંગ વધારવામાં આવ્યાનો AMCનો દાવો
• નવા કપ્તાને કમાન સંભાળ્યા બાદ ટેસ્ટ રેટિંગ વધારાયું: AMC

એક તરફ અમદાવાદ કોરોના વાયરસ સામે ઝઝુમી રહ્યું છે. બીજી તરફ IAS અધિકારીઓ સ્પર્ધામાં પડ્યા છે. અમદાવાદમાં કોરોના કામગીરી અંગે સ્પર્ધા ચાલુ થઈ હોવાની ચર્ચા થઈ રહી છે. વિજય નેહરા અને મુકેશ કુમાર-રાજીવ ગુપ્તા વચ્ચે સ્પર્ધા હોવાનું ચર્ચાઈ રહ્યું છે. AMC નવા અધિકારીઓની અસરકારક કામગીરી દર્શાવવામાં લાગ્યુ છે. 

AMCએ 5મે બાદ શહેરમાં ટેસ્ટિંગ વધાર્યું હોવાનો દાવો કર્યો

અમદાવાદના કમિશનર બદલાયા પછી અમદાવાદ શહેરમાં ટેસ્ટિંગનું પ્રમાણ 70 ટકા વધ્યું છે. આ દાવો AMC દ્વારા કરવામાં આવી રહ્યો છે. AMCએ કહ્યું કે, નવા કપ્તાને કમાન સંભાળ્યા બાદ ટેસ્ટ રેટિંગ વધારાયું છે. હાલમાં દર સપ્તાહે 11,320 ટેસ્ટ થાય છે. જ્યારે 5મે અગાઉ પ્રતિ સપ્તાહ 7 હજાર 466 ટેસ્ટ જ થતા હતા. લક્ષણો વિનાના લોકોનો ટેસ્ટ નથી કરતા છતાં ટેસ્ટિંગમાં વધારાનો દાવો કરાયો છે. આમ, AMC નવા અધિકારીઓની અસરકારક કામગીરી દર્શાવતું હોવાનું અને વિજય નહેરાની નબળી કામગીરીના આક્ષેપ થઈ રહ્યા છે.

✅ પ્રતિ મિલિયન ટેસ્ટની સંખ્યા 5 મે ૨૦૨૦ સુધીમાં 5344 હતી. તે હવે 23 મે 2020 ના રોજ 9492 પર છે જે 77% નો વધારો દર્શાવે છે

✅ એક્ટીવ સર્વેલન્સમાં સપ્તાહ દીઠ લેવામાં આવતા નમૂનાઓની સંખ્યામાં છેલ્લા બે અઠવાડિયા દરમિયાન નોંધપાત્ર વધારો

✅ સરદાર વલ્લભભાઇ પટેલ એરપોર્ટ સોમવારથી કાર્યરત pic.twitter.com/1n4exLTvZY

— Amdavad Municipal Corporation (@AmdavadAMC) May 23, 2020

ત્યારે કેટલાક સવાલો થઇ રહ્યા છે કે, શું શહેરમાં રોજે નવા 1 હજાર લક્ષણવાળા દર્દીઓ આવી રહ્યાં છે સામે? તો શું AMC દ્વારા પોઝિટિવ કેસના આંકડા છુપાવવામાં આવી રહ્યાં છે?