- RRRના 'નાટૂ-નાટૂ' ગીતને મળ્યો ઓસ્કર
- અમદાવાદની રાગ પટેલ રાતો-રાત બની ગઈ સ્ટાર
- RRRમાં 'અંબર સે તોડા' ગીત ગાયું છે રાગ પટેલે
95માં ઑસ્કર ઍવોર્ડની ધમાકેદાર શરૂઆત થઈ ગઈ છે. એવામાં ભારતે ફરી ઓસ્કારમાં ડંકો વગાડ્યો છે. ભારતીય ફિલ્મ RRRના ગીત નાટૂ નાટૂએ બેસ્ટ ઓરીજનલ સોંગ માટે ઓસ્કાર એવોર્ડ જીતીને ઈતિહાસ રચ્યો છે. આ ગીતનું નામ સાંભળતા જ આખું ડોલ્બી થિયેટર ગુંજી ઉઢ્યુ હતું.
પરંતુ આ ફિલ્મમાં બીજુ પણ એક ગીત સૌથી વધારે ચર્ચામાં રહ્યું હતું. ફિલ્મ RRR જ્યારે રિલીઝ થઈ ત્યારે ફિલ્મમાં ગીત 'અંબર સે તોડા' ખૂબ જ ચર્ચામાં રહ્યું હતું. હકીકતે દિગ્ગજ ડાયરેક્ટર રાજામૌલીની ફિલ્મ RRRમાં આ ગીત ગુજરાત અમદાવાદની 15 વર્ષની રાગ પટેલે ગાયું છે.
ફિલ્મના રિલીઝ બાદ 10માં ધોરણમાં અભ્યાસ કરતી સ્ટૂડન્ટ રાગ પટેલ રાતો-રાત સ્ટાર બની ગઈ હતી. 15 વર્ષિય રાગને બાળપણથી જ મ્યૂઝિકનો ખૂબ જ શોખ રહ્યો છે.
અઢી વર્ષની ઉંરમાં ગાવાની કરી હતી શરૂઆત
અમદાવાદના નવરંગપુરા વિસ્તારમાં રહેતા રાગના પિતા રાજીવ પટેલ એક મોટી પ્રાઈવેટ કંપનીમાં કામ કરે છે અને માતા રિદ્ધિ પટેલ હાઉસ વાઈફ છે. રાગને બાળપણથી જ સિંગિંગનો શોખ છે. રાગે અઢી વર્ષની ઉંમરથી ગાવાની શરૂઆત કરી હતી.
8 વર્ષની થયા બાદથી જ માતા રિદ્ધિએ તેને શાસ્ત્રીય સંગીત શીખવવા મોકલી હતી. તેની પ્લેબેક સિંગિંગમાં રૂચી છે. મોટી વાત એ પણ છે કે રાગને બ્લોકબસ્ટર ફિલ્મમાં ગાવાની પણ તક મળી ચુકી છે.
કઈ રીતે મળી આ બ્રેક?
RRRના મ્યુઝિક ડાયરેક્ટર એમએમ કરીમના ડાયરેક્શનમાં ગીત ગાનાર રાગને આ બ્રેક કઈ રીતે મળ્યો? તે સ્ટોરી ખૂબ જ રસપ્રદ છે. એક ઈન્ટરવ્યૂમાં રાગે જણાવ્યું હતું કે ગયા તેના પિતા રાજીવ પટેલે એક ફેસબુક પોસ્ટ મળી હતી. જેમાં ફિલ્મની ટીમ 12થી 15 વર્ષ સુધીની ગર્લ સિંગરની શોધ કરી રહી હતી.
બાદમાં તેમણે પોતાની દિકરીનો અવાજ રેકોર્ડ કરી અને રાજામૌલીની ટીમને મોકલ્યો હતો. ત્યાર બાદ ફિલ્મની ટીમને વોઈસ સેમ્પલ પસંદ આવ્યું હતું. ત્યાર બાદ રાગને ગીત રેકોર્ડ કરવા માટે હૈદરાબાદ બોલાવવામાં આવી હતી.
આમ કરનાર અમદાવાદમાં રાગ પટેલ એક માત્ર સિંગર
ખાસ વાત એ છે કે અમદાવાદની ધરતી પર રાગ પટેલ પોતાની ઉંમરની પહેલી સિંગર છે જેણે તેલુગુ ફિલ્મના હિંદી વર્ઝનમાં ગીત ગાયું હતું. જણાવી દઈએ કે વીવી વિજયેન્દ્ર પ્રસાદની લખેલી તેલુગૂ ફિલ્મ RRRનું એસએસ રાજામૌલીએ ડાયરેક્શન કર્યું છે. આ ફિલ્મમાં એમએમ કરીમે સંગીત આપ્યું છે.
ભૂપેન્દ્ર પટેલ કરી ચુક્યા છે સન્માનિત
આ ફિલ્મના હિંદી વર્ઝનમાં ગીતકાર વરૂણ ગ્રોવરે લખેલા ગીત 'અંબર સે તોડા'ને રાગ પટેલે પોતાનો અવાજ અપ્યો છે. આ પ્રતિભાની ખ્યાતી એટલી ફેલાઈ ચુકી હતી કે ત્યારે ગુજરાતના મુખ્યમંત્રી ભૂપેન્દ્ર પટેલે ધરતી અમૃત મહોત્સવમાં 'RRR' ફિલ્મની ગાયિકાને સન્માનીત કરી હતી.
કેનવાસ પેઈન્ટિંગ પણ કરે છે રાગ
ગીતની સાથે સાથે રાગ ખૂબ જ સુંદર કેનવાસ પેઈન્ટિંગ અને પોર્ટ્રેટ પણ બનાવે છે અને તે પણ ગીત ગાતા ગાતા. તે ઉપરાંત તેને રેટ્રો બોલિવુડ સોગ્ન ખૂબ જ પસંદ છે. તે અભ્યાસ, પેઈન્ટિંગ અને મ્યુઝિકમાં સંતુલન બનાવી રાખે છે.
