કાર્યવાહી / 12 વર્ષની હિન્દુ સગીરાની પાછળ પડ્યો અહેમદ બુખારી, શારીરિક સંબંધની ના પાડતા કર્યો હુમલો... દ્વારકા પોલીસે ગણતરીના કલાકોમાં કરી ધરપકડ

• હિંદુ સગીરાને પજવતા યુવકની ધરપકડ
• અહેમદ બુખારી નામનો શખ્સ કરતો હતો પરેશાન 
• સંબંધ રાખવા સગીરાને આપતો હતો ધમકી 
• બજારમાં સગીરા પર કર્યો હુમલો
• હુમલાને લઈને પરિવારે નોંધાવી ફરિયાદ

Dwarka Police News : દ્વારકાના ખંભાળિયામાં હિંદુ સગીરાને પજવતા યુવકની ધરપકડ કરી છે. વાત જાણે એમ છે કે, દ્વારકા પોલીસને ફરિયાદ મળી હતી કે, એક યુવક સગીરા સાથે બળજબરીની કોશિશ કરતો હતો. આ સાથે આ આરોપી સગીરાને સંબંધ રાખવા પણ ધમકી આપતો હતો. જે બાદમાં તાબે ન થતા આરોપીએ બજારમાં સગીરા પર હુમલો કર્યો હતો. જોકે ફરિયાદ બાદ ખંભાળિયા પોલીસે ગણતરીની કલાકમાં જ યુવકની ધરપકડ કરી વધુ તપાસ હાથ ધરી છે. 

દ્વારકાની ખંભાળિયા પોલીસે અહેમદ બુખારી નામના યુવકની ધરપકડ કરી છે. વિગતો મુજબ આરોપી અહેમદ બુખારી સગીરા સાથે બળજબરીની કોશિશ કરતો હતો. આરોપી અહેમદ બુખારી 12 વર્ષીય સગીરાનો પીછો કરી પરેશાન કરતો અને સંબંધ રાખવા સગીરાને ધમકી આપતો હતો. જોકે સગીરા આ ઈસમના તાબે ન થતા આરોપીએ બજારમાં સગીરા પર હુમલો કર્યો હતો. 

પોલીસે ગણતરીની કલાકમાં જ ઈસમને દબોચી લીધો 
આ તરફ સગીરા પર હુમલાને લઈને પરિવારે ખંભાળિયા પોલીસ સ્ટેશનમાં અહેમદ બુખારી નામના ઈસમ સામે ફરિયાદ નોંધાવી હતી. જેને લઈ ખંભાળિયા પોલીસે ગણતરીની કલાકમાં જ યુવકની ધરપકડ કરી લીધી છે. આ સાથે આરોપી સામે પોક્સો એક્ટ સહિત IPCની કલમો ઉમેરી ગુનો નોંધાયો છે.