SHORT & SIMPLE / ગુજરાતનાં ખેડૂતો માટે ગુડ ન્યૂઝ! માવઠામાં નુકસાન થયું હોય તો મળશે સહાય, કૃષિમંત્રીએ કર્યું એલાન

• કમોસમી વરસાદથી ખેડૂતોને નુકસાન
• નુકસાની અંગે કૃષિમંત્રીનું નિવેદન
• 'ટુંક સમયમાં સહાય જાહેર કરાશે'

રાજ્યમાં કમોસમી વરસાદને કારણે અનેક જિલ્લાઓમાં નુકસાન થયું છે.  સતત કમોસમી વરસાદથી જામનગર જિલ્લામાં પણ ખેતીના પાકને નુકસાન થયું છે. ત્યારે આજે રાજ્યના કૃષિમંત્રી રાઘવજી પટેલ જામનગરની મુલાકાતે છે. જામનગરના હાપા માર્કેટિંગ યાર્ડની મુલાકાત લીધા બાદ રાઘવજી પટેલે ખેડૂતો સમસ્યા અંગે ચર્ચા કરી હતી. જે બાદ તેમણે રાજ્યમાં કમોસમી વરસાદથી થયેલા નુકસાન અંગે મહત્વનું નિવેદન આપ્યું. 

ટૂંક સમયમાં મુખ્યમંત્રી સાથે ચર્ચા બાદ સહાય જાહેર થશેઃ રાઘવજી પટેલ 
કૃષિમંત્રી રાઘવજી પટેલે જણાવ્યું કે, કમોસમી વરસાદથી થયેલા નુકસાનનો સર્વે કરવામાં આવ્યો છે. હાલમાં માવઠાનો સર્વે પૂર્ણ કરાયો છે. મુખ્યમંત્રી ભૂપેન્દ્ર પટેલ સાથે ચર્ચા કર્યા બાદ ટૂંક સમયમાં સહાય જાહેર કરવામાં આવશે. કુદરતી આપતી વખતે સરકાર ખેડૂતોની સાથે છે. ખાતર, બિયારણ, ટેકાથી પાકની ખરીદી કરી સરકાર ખેડૂતોની સાથે છે.

જમીન રિ-સર્વે અંગે કૃષિમંત્રીનું નિવેદન
જમીન રિ-સર્વે અંગે કૃષિમંત્રીએ જણાવ્યું કે, મને જમીન રિ-સર્વેની અનેક ફરિયાદ મળી છે. રિ-સર્વે માટે મેં ગઈ કેબિનેટમાં મુખ્યમંત્રી સાથે ચર્ચા કરી હતી. અધિકારીઓને સૂચના મળે તે માટે હું આ અઠવાડિયે મુખ્યમંત્રી સાથે મુલાકાત કરીશ. CMને મળીને જમીન રિ-સર્વે માટે બનાવેલા પ્રશ્નો રજૂ કરીશ.