સ્ટોક માર્કેટ / RBIએ રેપો રેટ જાહેર કરતા જ શેર બજાર ધડામ, સેન્સેક્સ 500 અંકે તૂટ્યો, SBIએ મારી છલાંગ

• RBI એ MPC મીટિંગના પરિણામો જાહેર કર્યા 
• BSE સેન્સેક્સમાં 500થી વધુ પોઈન્ટનો ઘટાડો થયો 
• NSE નિફ્ટીમાં પણ 100થી વધુ પોઈન્ટનો ઘટાડો થયો

ભારતીય રિઝર્વ બેંક એટલે કે RBI એ MPC મીટિંગના પરિણામો જાહેર કર્યા છે અને આ વખતે પણ પોલિસી રેટ (રેપો રેટ) માં કોઈ ફેરફાર થયો નથી અને તે 6.5 ટકા પર સ્થિર છે. સામાન્ય લોકોની જેમ ભારતીય શેરબજારની નજર પણ ગવર્નર શક્તિકાંત દાસ દ્વારા કરવામાં આવેલી જાહેરાત પર ટકેલી હતી. પરંતુ, તેણે રેપો રેટમાં કોઈપણ ફેરફારને નકારી કાઢતાં જ બજાર ઝડપથી લપસી ગયું. નોંધનીય છે કે સેન્સેક્સ અને નિફ્ટીએ લીલા નિશાન પર શરૂઆત કરી હતી.

VIDEO | "After a detail assessment of the evolving micro-economic and financial developments and the outlook, the Monetary Policy Committee (MPC) decided by a 5:1 majority to keep the policy rate unchanged at 6.5 per cent," says RBI Governor Shaktikanta Das. #MPC… pic.twitter.com/WU9xSSzHoT

— Press Trust of India (@PTI_News) February 8, 2024

શરૂઆતમાં સેન્સેક્સમાં તીવ્ર ઘટાડો થયો હતો

સપ્તાહના ચોથા ટ્રેડિંગ દિવસે ગુરુવારે શેરબજારના બંને સૂચકાંકો લીલા નિશાન પર ખુલ્યા હતા. એક તરફ BSE સેન્સેક્સ 209.53 પોઈન્ટ અથવા 0.29 ટકાના વધારા સાથે 72,361.53 પર ખુલ્યો હતો અને MPC પરિણામો પહેલા 300 પોઈન્ટથી વધુ વધ્યો હતો. જો કે, આરબીઆઈ ગવર્નર દ્વારા મીટિંગમાં લેવાયેલા નિર્ણયોની જાહેરાત પછી તેમાં ઘટાડો થયો હતો અને સમાચાર લખાય છે ત્યાં સુધી તે સવારે 11.15 વાગ્યે 694.05 પોઈન્ટ ઘટીને 71,457 પર ટ્રેડ કરી રહ્યો હતો.

વધુ વાંચો : મોંઘી લોનમાં હાલ કોઇ જ રાહત નહીં, સતત છઠ્ઠી વાર RBIએ રેપો રેટ રાખ્યો યથાવત

નિફ્ટીમાં પણ જોરદાર ઘટાડો

સેન્સેક્સની જેમ NSE નિફ્ટી પણ RBI ની જાહેરાત બાદ અચાનક લીલાથી લાલ થઈ ગયો. શેરબજારની શરૂઆત સાથે જ નિફ્ટી 60.30 પોઈન્ટ અથવા 0.27 ટકાના વધારા સાથે 21,990.80 પર ખુલ્યો હતો. પરંતુ RBIની જાહેરાત બાદ તેમાં ઘટાડો થયો હતો અને સમાચાર લખાય છે ત્યાં સુધી તે 192.40 પોઈન્ટના ઘટાડા બાદ 21,738.45 પર ટ્રેડ કરી રહ્યો હતો.