લોકસભા ચૂંટણી 2024 / હું ભાજપના તમામ પદેથી રાજીનામું આપું છું', પરષોત્તમ રૂપાલાના નિવેદન બાદ હવે રાજ શેખાવતના પાર્ટીને 'રામ-રામ'

કરણી સેનાના પ્રમુખ રાજ શેખાવતે આજે ભાજપનાં પ્રાથમિક સભ્યપદેથી રાજીનામું આપી દેતા વિવાદ વધવા પામ્યો છે. ત્યારે ભાજપનાં રાજકોટ લોકસભા બેઠકનાં ઉમેદવાર પુરુશોત્તમ રુપાલા દ્વારા કરેલ વિવાદિત નિવેદનને લઈ ક્ષત્રિય સમાજમાં ભારે રોષ જોવા મળી રહ્યો છે. તેમજ ક્ષત્રિય સમાજ દ્વારા પુરુશોત્તમ રુપાલાની ટિકીટ રદ્દ કરવાની માંગ પણ કરવામાં આવી છે. ગોંડલમાં ગઈ કાલે યોજવામાં આવેલી ક્ષત્રિય સમાજની બેઠકને કરણી સેનાનાં પ્રમુખ રાજ શેખાવતે ભાજપ પ્રેરિત ગણાવી વિરોધ કર્યો હતો. 

રાજ શેખાવત ક્યારે ભાજપમાં જોડાયા હતા
તા. 24 નવેમ્બર 2022 નાં રોજ ગુજરાત વિધાનસભાની ચૂંટણી પહેલા અનેક નેતાઓ-આગેવાનો અલગ-અલગ રાજકીય પક્ષોમાં જોડાઇ રહ્યા હતા. ત્યારે કરણી સેનાના પ્રદેશ પ્રમુખ પણ તેઓનાં સમર્થકો સાથે ભાજપમાં જોડાયા હતા. રાજ શેખાવત હમેંશા રાજપૂત સમાજના મુદ્દા ઉઠાવતા રહ્યા છે.  તેમજ કરણી સેનાના પ્રમુખ રાજ શેખાવતે ખુદ ફેસબુક ઉપર પોસ્ટ કરી ભાજપમાં જોડાવાની પુષ્ટિ કરી હતી. 

વધુ વાંચોઃ શું સાબરકાંઠા લોકસભા બેઠક પરથી બદલાશે ઉમેદવાર? વિવાદ વચ્ચે આજે આગેવાનો સાથે CMની બેઠક

કોણ છે રાજ શેખાવત ? 
કરણી સેનાના પ્રમુખ રાજ શેખાવત એક સમયે BSFમાં સેવા આપતા હતા. હવે તેઓ અમદાવાદમાં એક ખાનગી સુરક્ષા એજન્સી પણ ચલાવે છે. હાલમાં રાજ શેખાવત કરણી સેનાના ગુજરાત પ્રમુખ તરીકે સમગ્ર રાજ્યમાં જાણીતા છે.અગાઉ તેમની આગેવાની હેઠળની કરણી સેનાએ ગુજરાતમાં સંજય લીલા ભણસાલીની ફિલ્મ 'પદ્માવત'નો વિરોધ કર્યો હતો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો