સાણંદમાં સગાઇ તોડવાની વાતને લઇને સાળા દ્વારા બનેવી પર ફાયરિંગની ઘટના સામે આવી છે. આ મામલે આરોપીને ઝડપી લેવાયો છે.. આરોપી અરમાન કુરેશીએ અંગત અદાવતમાં પોતાના પૂર્વ બનેવી પર ફાંયરીગ કર્યુ હતુ.. મૂળ કડીના રહેવાસી ફરદીન પઠાણને ઝઘડાનું સમાધાન કરવાના બહાને આરોપી અરમાન કુરેશી અને તેના મિત્ર આરીફખાન પઠાણે બોલાવીને એક રાઉન્ડ ફાંયરીગ કરીને હત્યાનો પ્રયાસ કર્યો.. આ ઘટનામાં ઇજાગ્રસ્ત ફરદીનને સારવાર માટે હોસ્પિટલમાં ખસેડવામાં આવ્યો છે.. ફરદીનની સગાઈ દોઢ વર્ષ પહેલાં આરોપી અરમાનની બહેન સાથે થઈ હતી.. પરંતુ મનદુઃખ બાદ અરમાનના પરિવારે સગાઈ તોડી નાખી હતી. અને ત્યાર બાદથી બંન્ને પરિવાર વચ્ચે ઝઘડો ચાલતો હતો..અને તેની અદાવત રાખીને અરમાને હત્યાનો પ્રયાસ કર્યો..
બે પરિવારો વચ્ચે કોઇ વાતને લઇ મનદુઃખ થતા સગાઇ તોડી નાંખવામાં આવી હતી
પોલીસ તપાસમાં સામે આવ્યું કે આરોપી અરમાન કુરેશી અને ફરદીન કડીના રહેવાસી છે.. બન્ને એકબીજાના મિત્ર હતા.. ફરદીન મિત્ર હોવાથી અરમાનના ઘરે અવરજવર કરતો હતો..જેથી અરમાનના પરિવારે પોતાની દીકરીની સગાઈ એક વર્ષ પહેલાં ફરદીન સાથે કરી હતી.. પરંતુ બન્ને પરિવાર વચ્ચે મનદુઃખ થયું હતું..જેથી 3 માસ પહેલા અરમાને પોતાની બહેનની સગાઈ ફરદીન સાથે તોડી નાખી હતી..અને ત્યાર બાદથી તેઓની વચ્ચે તકરાર શરૂ થઈ હતી..
બન્ને વચ્ચે દોઢ માસથી સોશિયલ મીડિયા પર શાબ્દિક યુદ્ધ ચાલતું હતું
છેલ્લા દોઢ માસથી અરમાન અને ફરદીન વચ્ચે સોશિયલ મીડિયા પર શાબ્દિક યુદ્ધ ચાલતું હતું. . આ શાબ્દિક લડાઈ એટલી ઉગ્ર થઈ ગઈ કે અરમાનએ પોતાના મિત્ર આરીફખાન સાથે મળીને ફરદીનની હત્યાનું કાવતરું રચ્યું.. અને દેશી તંમચો લઈને સાણંદ GIDC નજીક ફરદીન પર ફાયરીગ કરીને ફરાર થઇ ગયો હતા..પરંતુ પોલીસે બાતમીના આધારે અરમાનની ધરપકડ કરી છે જ્યારે આરીફની શોધખોળ શરૂ કરી છે..
આ પણ વાંચોઃ ગુજરાતમાં ઠંડી અને વરસાદનું ગુડ બાય, હવામાન વિભાગે કરી તપતી આગાહી,આવું રહેશે 5 દિવસ વાતાવરણ
આરીફ વિરુદ્ધ અગાઉ હત્યાના પ્રયાસની ફરિયાદ નોંધાયેલી છે
પકડાયેલા આરોપી અરમાન વિરુદ્ધ અગાઉ કોઈ ફરિયાદ નોંધાઈ નથી..જ્યારે તેના મિત્ર આરીફ વિરુદ્ધ અગાઉ હત્યાના પ્રયાસની ફરિયાદ નોંધાઇ છે.. એટલું જ નહીં ફરદીન અને તેના પિતા દિલાવરખાન વિરુદ્ધ અગાઉ પ્રોહીબિશનના ગુના નોંધાયા હતા.જેની જાણ અરમાનના પરિવારને થતા સગાઈ તોડી હોવાનું તપાસમાં ખુલ્યું છે.. આ ઘટનામાં ફરદીનની હાલત નાજુક છે..જ્યારે પોલીસે હત્યાના પ્રયાસ અને આર્મ્સ એક્ટ મુજબ ગુનો નોંધીને હથિયાર મામલે વધુ પૂછપરછ શરૂ કરી છે.. જ્યારે વોન્ટેડ આરોપી આરીફને પકડવાની તજવીજ હાથ ધરી છે..
