માન્યતા / અધિક માસમાં કરો આ કામ, માઁ લક્ષ્મી અને ભગવાન વિષ્ણુની રહેશે અપાર કૃપા

• આ વર્ષે અધિક માસ હોવાથી, શ્રાવણ મહિનો ખૂબ જ ખાસ
• આ સમગ્ર મહિનો ભગવાન વિષ્ણુને સમર્પિત
• અધિક માસમાં કયા કાર્યો કરવા જોઈએ?

શ્રાવણ માસની શરૂઆત થઈ ગઈ છે. આ વર્ષે અધિક માસ હોવાથી આ વર્ષનો શ્રાવણ મહિનો ખૂબ જ ખાસ રહેશે. 18 જુલાઈથી અધિક માસની શરૂઆત થશે અને 16 ઓગસ્ટના રોજ સમાપ્ત થશે. આ સમગ્ર મહિનો ભગવાન વિષ્ણુને સમર્પિત છે. આ કારણોસર આ મહિનામાં શ્રીહરિ અને માઁ લક્ષ્મીની પૂજા કરવામાં આવે છે. માનવામાં આવે છે કે, આ મહિનામાં કોઈ શુભ કાર્ય ના કરવું જોઈએ. પરંતુ કેટલાક એવા કાર્યો કરવા જોઈએ, જે કરવાથી માઁ લક્ષ્મી અને ભગવાન વિષ્ણુની વિશેષ કૃપા રહે છે. અધિક માસમાં કયા કાર્યો કરવા જોઈએ, તે અંગે અહીંયા જણાવવામાં આવ્યું છે. 

ખીરનો ભોગ- અધિક માસમાં શ્રીહરિને ખીરનો ભોગ લગાવવાનું ખૂબ જ શુભ માનવામાં આવે છે. 

પીળી વસ્તુઓનું દાન- માનવામાં આવે છે કે, આ દરમિયાન પીળી વસ્તુઓનું દાન કરવું જોઈએ;  જેમ કે, પીળા કપડા અને પીળી દાળ વગેરે. 

ઘીનો દીવો- તુલસી સામે ઘીનો દીવો જરૂરથી કરવો જોઈએ. આ પ્રકારે કરવાથી શ્રીહરિ  અને માઁ લક્ષ્મીની વિશેષ કૃપા રહે છે. 

પીપળાના ઝાડ પર જળ અર્પણ કરો- અધિક માસમાં પીપળાના ઝાડ પર જળ જરૂરથી અર્પણ કરવું જોઈએ. આ ઝાડમાં ભગવાન વિષ્ણુનો વાસ હોવાનું માનવામાં આવે છે.