- અદાણી - હિંડનબર્ગ રિસર્ચ રિપોર્ટ મામલો
- સુપ્રીમ કોર્ટ દ્વારા કેસની સુનાવણી 15 મે ના રોજ હાથ ધરાશે
- 14 ઓગસ્ટની આસપાસ સુનાવણીનો ઉલ્લેખ
અમેરિકન શોર્ટ સેલર કંપની હિંડનબર્ગ રિસર્ચે અદાણી જૂથ પર રોકાણકારો સાથે છેતરપિંડી અને કંપનીઓના કામકાજમાં ગેરરીતિ આચરવાનો આરોપ મૂકતા હડકંપ મચ્યો હતો. બાદમાં આ મામલે ઘમાસાણ સર્જાયુ હતું અને મામલો કોર્ટમાં પહોંચ્યો હતો. ત્યારે સુપ્રીમ કોર્ટ દ્વારા હવે અદાણી હિંડનબર્ગ કેસની સુનાવણી 15 મે 2023 ના રોજ હાથ ધરવામાં આવશે તેવું જણાવાયું છે. મહત્વનું છે કે સેબીએ કોર્ટ પાસે વધુ તપાસ માટે છ મહિના વધુ સમય માંગ્યો હતો પરંતુ ન્યાયાધીશ ડીવાય ચંદ્રચુડે પૂર્ણ કરવા માટે છ મહિનાના સમય વ્યાજબી ન હોવાનો ઉલ્લેખ કરી 3 મહિનામાં તપાસ પૂર્ણ કરવા જણાવ્યું હતું.
14 ઓગસ્ટની આસપાસ સુનાવણી કરવાનો ઉલ્લેખ
સુનાવણી દરમિયાન સેબીએ અદાણી કેસમાં તપાસ પૂર્ણ કરવા માટે વધુ છ મહિનાની માંગણી કરી હતી પરંતુ કોર્ટે કહ્યું કે 14 ઓગસ્ટની આસપાસ સુનાવણી કરીશું. આથી આ સમયગાળા દરમિયાન તપાસ પૂર્ણ કરી લેવી જોઈએ. વધુમાં આ મામલે સોમવારે સુનાવણી દરમિયાન પણ વિચાર કરશે.
IOSCO ભાગીદાર સંધિ ઉલ્લેખ અનુસાર
આ મામલે વકીલ પ્રશાંત ભૂષણે કોર્ટમાં કહ્યું હતું કે સેબી અને IOSCO ભાગીદાર છે, જેના સભ્યો ટેક્સ હેવન દેશો પણ છે. તો IOSCOની સંધિ ઉલ્લેખ અનુસાર કોઈપણ દેશ કઇ પણ ગુપ્ત રાખ્યા વગર કોઈપણ પ્રકારની માહિતી માંગી શકે છે.આથી સેબી અગાઉ પણ માહિતી માંગી શકી હોત. મહત્વનું છે કે 2 માર્ચ 2023માં હિંડનબર્ગ રિસર્ચ રિપોર્ટ સામે આવ્યા બાદ અદાણી જૂથના શેર પડી ભાંગ્યા હતા. બાદમાં નાના રોકાણકારોના હિતમાં કમિટીનું ગઠન કરી રિપોર્ટ તૈયાર કરવા જણાવાયું હતું.
