અમદાવાદ / આરોપી શાનુએ મોજશોખ માટે ATMને કર્યું ટાર્ગેટ: પોલીસે CCTV ફુટેજથી પકડી પાડ્યો, તપાસની હકીકત વિચારવા જેવી

• મોજશોખ માટે ATMમાં ચોરીનો પ્રયાસ
• આરોપી શાનુ કુરેશીની ધરપકડ 
• પોલીસે CCTVના આધારે ઝડપી પાડ્યો

મોજશોખ માટે માણસ કાંઈપણ કરી શકે છે. ભલે પછી ચોરી કરવી પડે. આવી જ વધુ એક ઘટના અમદાવાદના દાણીલીમડા વિસ્તારમાં સામે આવી છે. જ્યાં શાનુ કુરેશી નામના એક શખ્સે એટીએમ મશિનમાંથી ચોરી કરવાનો પ્રયાસ કર્યો. જેના સીસીટીવી દ્રશ્યો પણ સામે આવ્યા છે. આ દ્રશ્યોમાં જોઈ શકાય છે કે, શાનુ કુરેશી સવારના સમયે નારોલ સર્કલ પાસે આવેલા SBIના એટીએમને તોડવાનો પ્રયાસ કરે છે. પરંતુ તેની મથામણ સફળ થતી નથી. અને તે ચોરીની ઘટનાને માંડી વાળે છે. પરંતુ સીસીટીવી સામે આવતા જ પોલીસે તેને ઝડપી પાડ્યો છે.

પોલીસે ધરપકડ કરી તપાસ હાથ ધરી
પોલીસે ઝપડ્યા બાદ એ જાણવા મળ્યું કે, શાનુ કુરેશી મોજશોખ માટે ચોરી કરવા માટે ગયો હતો. પરંતુ એટીએમ મશિનનો લોક ન તોડી શકતા ત્યાંથી ભાગી ગયો હતો. હાલ પોલીસે તેની ધરપકડ કરી સમગ્ર મામલે વધુ તપાસ હાથ ધરી છે.