બનાવ / દુર્ઘટના કે બેદરકારી ? પોરબંદરની સૌરાષ્ટ્ર કેમિકલ્સ કંપનીમાં ઇજનેરનું ઉંચાઇ પરથી પટકાતા મોત

• પોરબંદરની સૌરાષ્ટ્ર કેમિકલ્સ કંપની વિવાદમાં
• કંપનીમાં કામ કરી રહેલા ઇજનેરનું મૃત્યુ
• ઇન્ડસ્ટ્રીયલ ઇન્સ્પેક્ટરની કામગીરી સામે ઉઠ્યા સવાલો

પોરબંદરના રાણાવાવની સૌરાષ્ટ્ર કેમિકલ્સ કંપની ફરી વિવાદમાં આવી છે. વિગતો મુજબ ગત મોડી રાત્રે કંપનીમાં કામ કરતાં એક ઇજનેરનું મોત થયું છે. ઘટનાની જાણ થતાં સ્ટાફ સહિતના અધિકારીઓ સ્થળ પર પહોંચ્યા હતા. નોંધનીય છે કે, આ પ્રથમ વાર નથી કે આ કંપની વિવાદમાં આવી હોય. અગાઉ પણ સૌરાષ્ટ્ર કેમિકલ્સ કંપનીમાં મોટી દુર્ઘટના થઇ હતી. 

રાણાવાવની સૌરાષ્ટ્ર કેમિકલ્સ કંપનીમાં એક ઈજનેરનું મોત થતાં અનેક સવાલો ઊભા થયા છે. જેને લઈ ઇન્ડસ્ટ્રીયલ ઇન્સ્પેક્ટરની કામગીરી સામે સવાલો ઉઠ્યા છે. વિગતો મુજબ મોડી રાત્રે કંપનીમાં કામ કરી રહેલા 22 વર્ષીય ઇજનેર નિકુંજ રાવલનું ઉંચાઇ પરથી નીચે પટકાતા મૃત્યુ થયું છે. જેને લઈ સૌરાષ્ટ્ર કેમિકલ્સમાં કર્મચારીઓની સુરક્ષાને લઇને સવાલ ઉઠ્યા છે. 

રાણાવાવની સૌરાષ્ટ્ર કેમિકલ્સ કંપની ફરી વિવાદમાં

પોરબંદરના રાણાવાવની સૌરાષ્ટ્ર કેમિકલ્સ કંપની અનેકવાર વિવાદોમાં આવી ચૂકી છે. ગઇકાલે સૌરાષ્ટ્ર કેમિકલ્સ કંપનીમાં 22 વર્ષીય ઇજનેર નિકુંજ રાવલનું ઉંચાઇ પરથી નીચે પટકાતા મૃત્યુ થયું છે. સૌરાષ્ટ્ર કેમિકલ્સમાં કર્મચારીઓની સુરક્ષાને લઇને સવાલ ઉઠ્યા છે.