સાબરકાંઠા / પોળો ફોરેસ્ટ ફરવા અને મજા કરવા જાઓ, પણ આવી બેદરકારી ન કરતાં! વિજયનગરના યુવકનું થયું મૃત્યુ, એક જ મહિનામાં બીજી ઘટના

• સાબરકાંઠાના પોળો ફોરેસ્ટમાં નદીમાં ડુબી જતાં મોત
• હરણાવ નદીના ધરામાં ડૂબ્યો યુવક
• મિત્રો સાથે ન્હાવા ગયેલા યુવકનું ડૂબી જતા મૃત્યુ
• મોજાળિયા ગામના કિશન ડામોરનું મૃત્યું

Polo Forest News : સાબરકાંઠામાં પોળો ફોરેસ્ટમાં નદીમાં ડૂબી જતા યુવકનું મૃત્યુ થયાની ઘટના સામે આવી છે. વાત જાણે એમ છે કે, પર્યટન સ્થળ પોળો ફોરેસ્ટમાં વર્ષે દહાડે મોટી સંખ્યામાં પ્રવાસીઓ અહીં ફરવા આવતા હોય છે. આ દરમિયાન પોળો ફોરેસ્ટમાં વહેતી હરણાવ નદીના ધરામાં એક યુવક ડૂબ્યો હોવાનું સામે આવ્યું છે. ઘટનાને લઈ મૃતકના પરિવારજનો ઘેરા શોકમાં ગરકાવ થઈ ગયા છે. 

ઉત્તર ગુજરાતના સાબરકાંઠા જિલ્લાના વિજયનગરમાં આવેલ પોળો ફોરેસ્ટમાં એક દુ:ખદ ઘટના સામે આવી છે. વિગતો મુજબ વિજયનગરના મોજાળિયા ગામનો કિશન ડામોર નામનો યુવક મિત્રો સાથે પોળો ફોરેસ્ટ પહોંચ્યો હતો. આ દરમિયાન પોતાના મિત્રો સાથે તે પોળો ફોરેસ્ટમાં વહેતી હરણાવ નદીમાં ન્હાવા ગયો હતો. જોકે અહીં કિશન ડામોરનું ડૂબી જવાથી મોત થયું હતું. નોંધનિય છે કે, એક મહિના પહેલા આજ જગ્યા પર આણંદના યુવકનું મોત થયું હતું. આ તરફ હવે પોલીસે મૃતદેહ હોસ્પિટલ ખસેડી આગળની કાર્યવાહી હાથ ધરી છે.