અમદાવાદ / જુહાપુરામાં AMTS બસની બ્રેક ફેલ થતાં 3 વાહનો આવ્યા અડફેટે, 1 મહિલાનું કમકમાટી ભર્યું મોત

• અમદાવાદમાં AMTS બસ અકસ્માતમાં મહિલાનું મૃત્યુ
• જુહાપુરામાં AMTS બસની બ્રેક ફેલ થતા થયો અકસ્માત
• AMTS બસે 3 વાહનોને લીધા અડફેટે

અમદાવાદમાં યમ દૂતની જેમ ચાલતી અને અમદાવાદીઓની જીવાદોરી સમાન AMTS બસની અડફેટે વધુ એક વ્યક્તિનું મોત નીપજ્યું છે. શહેરના જુહાપુરા વિસ્તારમાં AMTS બસની અડફેટે મહિલાનું મોત નીપજ્યું છે. જો કે, અવાર નવાર AMTS બસથી અકસ્માતની ઘટનાઓ વધી રહી હોય તેવુ જણાઈ રહ્યું છે.

AMTS બસની બ્રેક ફેઈલ થતાં અકસ્માત
અમદાવાદ શહેરના જુહાપુરા વિસ્તારમાં AMTS બસની બ્રેક ફેઈલ થઈ જતા 3 વાહનોને અડફેટે  લીધા હતા. જેમાં એક મહિલાનું કમકમાટી ભર્યું મોત પણ થયું છે. અત્રે જણાવીએ કે, અગાઉ પણ નરોડામાં વિસ્તારમાં AMTS બસે અકસ્માત સર્જ્યો હતો. જો કે, AMTS બસની બ્રેક ફેઈલ થતાં અકસ્માત સર્જાયો છે જેને લઈ અનેક સવાલો પણ ઉઠી રહ્યાં છે કે, આ AMTS બસો યોગ્ય સમય રિપેરિંગ કરવામાં નથી આવતી કેમ, જો કે અત્યારે સમગ્ર ઘટના પગલે સ્થાનિકોમાં રોષ જોવા મળી રહ્યો છે. 

સ્થાનિકોમાં રોષ 
અકસ્માતની ઘટનાને પગલે ઘટનાસ્થળે લોકોના ટોળે ટોળા ઉમટી પડ્યો હતો. લોકોમાં રોષ જોવા મળી રહ્યો છે. આપને જણાવી દઈએ કે અમદાવાદમાં માતેલા સાંઢની માફક દોડતી AMTS બસે કોઈનો જીવ લીધો હોય તેવી આ પહેલી ઘટના નથી, અગાઉ પણ આવા ઘણા બનાવો સામે આવી ચૂક્યા છે.