- AMC ના ઢોળવાડા થયા ફૂલ
- અમદાવાદના ઢોરવાળાનો વિડિયો વાયરલ
- એક જ ઢોરડડબ્બામાં ક્ષમતા કરતા બમણી ગાયો પૂરવામાં આવી
આમ તો અમદાવાદ ગંદકી, ગેરકાયદે બાંધકામ, વરસાદી પાણીનો ભરાવ, ખખડધક અને ધૂળિયા માર્ગ, ટ્રાંફિક સહિતની સમસ્યાઓથી ઘેરાયેલું છે. પરંતુ આ બધામાંથી રખડતા ઢોરની સમસ્યા મુશ્કેલીઓમાં સૌથી ટોચ પર છે. આ ઉપાધિ માથાના દુખાવા સમાન નહિ પરંતુ અસાધ્ય રોગ સમાન છે જેને અંકુશમાં લાવવી લોઢાના ચણા ચાવવા બરોબર છે. અમદાવાદની એક પણ શેરી- ગલી એવી નહિ હોય જ્યા રખડતા ઢોરનો ત્રાસ ન હોય! એક બાજુ રખડતા ઢોરનો ત્રાસ છે તો બીજી બાજુ ઢોરવાડામાં પણ પશુઓની હાલત દયનીય હોવાનું સામે આવી રહ્યું છે. અમદાવાદમાં AMCના ઢોરવાડાનો વીડિયો સામે આવ્યો છે..જેમાં ઢોરવાડાની ક્ષમતા કરતા બમણા પશુઓને પુરવામા આવ્યા છે. જેનો કાળજુ કકળી ઉઠે તેવા દ્રશ્યો સામે આવ્યા છે.
AMCના CNCD વિભાગ સહિતના જવાબદારો સામે રોષ
આમ ઠાંસી ઠાંસીને ઢોરને ભરવામાં આવતા પશુઓની હાલત રૂવાતા ઉભા થઇ જાય તેવી છે. આ વીડિયોને પગલે જીવદયા પ્રેમીઓમાં પણ આક્રોશની જ્વાળા ભભૂકી ઉઠી છે અને લોકો તંત્રની કામગીરી સામે સવાલો ઉભાવી રહ્યા છે. વ્યવસ્થા અને AMCના CNCD વિભાગ સહિતના જવાબદારોના આયોજનના અભાવને લઈને આવી સ્થિતિનું નિર્માણ થતા લોકો અકળાયા છે. ગાયોને પગ મુકવાની કે શ્વાસ લેવાની પણ જાણે સ્થિતિ ન હોય તેવા દ્રશ્યો સામે આવ્યા છે.
લોકોમાં ભારોભાર રોષ
અમદાવાદમાં ઢોરનો ત્રાસ આસમાને છે તંત્રના પાપે ભૂતકાળમાં અનેક ઘરના મોભી તો અનેક ઘરના કંધોતર છીનવાયા હોવાની ઘટનાઓ છે. પરંતુ તંત્રએ આ મામલે નક્કર કાર્યવાહી કરી ન હોવાથી આ સમસ્યા અટકવાનું નામ જ લેતી નથી. જેને લઈને લોકોમાં ભારોભાર રોષ જોવા મળી રહ્યો છે.
અગાઉ જારી કરાઇ હતી ગાઈડલાઈન
અગાઉ તંત્ર દ્વારા ગાઈડલાઈનમાં બહાર પાડવામાં આવી હતી. જેમાં ફરિયાદ માટે તંત્ર અને પશુ હેલ્પ લાઈન પોર્ટલ બનાવામાં આવ્યું છે. તપાસમાં કોઈ રખડતા ઢોર અથવા તેની બિમારીને જોતા સારવાર કરવામાં આવે તેવો ઉલ્લેખા કરાયો હતો. વધુમાં જો કોઈ પશુને સંક્રમક બિમારીથી પીડાઈ તો તેને અલગ રાખવામાં આવે, જેનાથી અન્ય પશુ અને માણસને સંક્રમણ ન લાગે. સહિત અનેક નિયમો છે જોકે આ ઢોરડબ્બામાં તો જાણે વ્યવસ્થાના અભાવે પશુઓ મોતને શરણ થાય તેવી હાલત છે.
