- ગોતામાં થયેલી ચોરીનો ભેદ ઉકેલાયો
- જયેશ રાજા નામના આરોપીની ધરપકડ
- ઝોન 1 LCBએ આરોપીની કરી ધરપકડ
રાજ્યમાં ક્રાઈમની ઘટના દિવસેને દિવસે વધી રહી છે ચોરો હવે બેફામ બન્યા હોય તેવા કિસ્સાઓ સામે આવી રહ્યાં છે. અમદાવાદના ગોતામાં થયેલી ચોરીનો ભેદ ઉકેલાયો છે તો બીજી તરફ ગાંધીનગરના માણસાના ઇટાદરા ગામે ચોરીની ઘટના બની છે.
ગોતામાં થયેલી ચોરીનો ભેદ ઉકેલાયો
અમદાવાદના ગોતામાં થયેલી ચોરીનો ભેદ ઉકેલાયો છે. ચોરી મામલે જયેશ રાજા નામના આરોપીની મુદ્દામાલ સાથે ધરપકડ કરાઈ છે. ઝોન 1 LCBએ આરોપીની CCTV ફૂટેજના આધારે ધરપકડ કરી છે તેમજ કપડાના આધારે પોલીસે આરોપીને દબોચ્યો છે. તમને જણાવી દઈએ, હરિકૃપા ફાર્મસી નામની દુકાનમાં ચોરી થઈ હતી
વહાણવટી માતાજીના મંદિરમાં ચોરી
ગાંધીનગરના માણસાના ઇટાદરા ગામે ચોરીની ઘટના બની છે. તસ્કરોએ માતાજીના મંદિરમાં 12 લાખના સોના-ચાંદી ચોરી કરી કરી છે. પાપ્ત વિગતો મુજબ ગામની સીમમાં વહાણવટી માતાજીના મંદિરમાં માતાજીના સોના-ચાંદીથી મઢેલા ફોટાની ઉઠાંતરી કરી છે. ચોરીની સમગ્ર ઘટના CCTVમાં કેદ થઈ છે. સમગ્ર મામલે માણસા પોલીસે ગુનો નોંધી તપાસ હાથધરી છે.
દિન દહાડે બંધ મકાનમાં ચોરી
ગઈકાલે આણંદના ઉમરેઠમાં દિન દહાડે બંધ મકાનમાં ચોરીની ઘટના સામે આવી છે. ઉમરેઠના પાનેતર પાર્કમાં તસ્કરોએ તરખાટ મચાવ્યો છે. ચોરીના હથિયારો સાથે તસ્કરો મકાનમાં ગુપ્ત રીતે પ્રવેશ્યા હતા અને મકાન માલિક સવારથી બહાર હોવાનો લાભ ઉઠાવી ચોરી કરી હતી. જે ચોરીની ઘટના CCTV કેમેરામાં કેદ થઈ છે. એક્ટીવા લઈને આવેલા 2 તસ્કરોએ ચોરી કરી ફરાર થયા હતાં.
મહેસાણામાં બાઇક ચોરીની ઘટના
મહેસાણામાં બાઇક ચોરીની ઘટના બની છે. તોરણવાળી ચોકમાં તોરણવાળી માતાજી વાડીમાં પાર્ક કરેલું બાઇકની ચોરોએ ઉઠાતરી કરી હતી. CCTV કેમેરામાં બાઇકચોરોની કરતૂત કેદ થઇ છે. 22 સેકન્ડમાં બાઇક ચોરીને અજાણ્યા શખ્સે અંજામ આપ્યો છે. સમગ્ર મામલે એ ડિવિઝન પોલીસે કાર્યવાહી હાથ ધરી છે.
.JPG)
