- સુરતની શાળામાં ભગવદ ગીતાના પાઠ
- શાળામાં ગીતાનો ફરજીયાત કોર્ષ દાખલ કરવામાં આવ્યો
- ધોરણ 1 થી 8ના બાળકો માટે ગીતાને અભ્યાસ ક્રમ
અનેક વિદ્વાનો કહે છે કે ભગવદ ગીતાએ જીવન જીવવાના પાઠ શીખવે છે. તેથી જ તો ભગવદ ગીતા વાંચવી અને જીવનમાં ઉતારવી જરૂરી છે. આજના કળિયુગમાં પણ ભાવગદ ગીતા ઘરે ઘરે છે. પરંતુ કોઈપણ ઘરમાં એનું વાંચન કે તેનું અમલીકરણ જોવા નથી મળતું. જ હવે ગીતાને અભ્યાસ ક્રમમાં દાખલ કરવાની ઉમરાણ ઉઠી છે. અનેક વિદ્વાનો દ્વારા પણ કેન્દ્ર સરકારને ગીતાને અભ્યાસક્રમમાં દાખલ કરવા માટેની રજૂઆત કરવામાં આવી છે. પરંતુ સુરતની શાળા વન્ડરફૂલ એકેડમી દ્વારા ધોરણ 1 થી 8ના બાળકો માટે ગીતાને અભ્યાસ ક્રમમાં દાખલ કરવામાં આવી છે. ગીતા થકીથી બાળકોના જીવનનું ઘડતર કરવા સાથે સનાતન ધર્મ વિશે બાળકો જાણી શકે તે માટે શાળામાં અભ્યાસક્રમ તરીકે ગીતા ભણાવવામાં આવશે.
બાળકોને ગીતા કેમ ન શીખવવી જોઈએ
સુરત શહેરમાં આવેલી વન્ડરફૂલ એકેડમી દ્વારા બાળકોમાં સારા સંસ્કારોનું સિંચન થાય તે માટે ભગવદ ગીતા શીખવવાનું નક્કી કરવામાં આવ્યું છે. આ વિચાર આવતા પહેલાં તેમણે ભગવદ ગીતા વિશે બાળકોના જ્ઞાનને ચકાસવાનું નક્કી કર્યું અને બાળકો ભગવદ ગીતા વિશે જ્યારે સવાલો પૂછવામાં આવ્યા તો બાળકો ગીતા વિશે જાણતા હતાં. પરંતુ તેમણે ક્યારેય ગીતાને વાંચી નહોતી ત્યારે શાળા દ્વારા નક્કી કરવામાં આવ્યું છે. જીવનના તમામ સવાલોના જવાબ જો ગીતામાં હોય તો બાળકોને ગીતા કેમ ન શીખવવી જોઈએ અને શાળાએ નક્કી કર્યું કે બાળકોને અઠવાડિયામાં એક વખત ગીતાના શ્લોક શીખવવામાં આવશે. શાળા દ્વારા બાળકો માટે ગીતાનો અભ્યાસક્રમ તૈયાર કરાયો. તેના માટે એક નવા શિક્ષકની પણ શોધ કરવામાં આવી અને હવે આગામી દિવસોમાં બાળકો ગીતાના શ્લોક કડકડાટ બોલતા નજરે ચઢશે.
સુરતની શાળામાંથી ગીતાના સાર
શાળા દ્વારા બાળકોમાં સંસ્કાર સિંચન કરવાનો આ એક નવો અભિગમ ખરેખર સરાહનીય છે.. કારણ કે જે વ્યક્તિ ગીતાને જીવનમાં ઉતારે છે તે વ્યક્તિનું સમગ્ર જીવન ધન્ય થાય છે. હવે આગામી દિવસોમાં સુરતની શાળામાંથી ગીતાના સાર સાથે બાળકો પોતાનું ભાવિ ઘડશે.
