નિર્ણય / ગાંધીનગરમાં રખડતા ઢોરને રોકવા નવી નીતિને મંજૂરી: હવેથી પશુપાલકો માટે લાયસન્સ ફરજિયાત, કરાવવું પડશે રજિસ્ટ્રેશન

 

• ગાંધીનગરમાં રખડતા પશુઓને રોકવા નવી નીતિને મંજૂરી  
• મહાપાલિકાએ સરકારની માર્ગદર્શિકા અનુસંધાને નીતિ તૈયાર કરી
• ગાંધીનગર શહેરની હદમાં ઢોર રાખવા માટે લાયસન્સ ફરજિયાત

Gandhinagar news : ગાંધીનગરમાં રખડતા પશુઓને રોકવા નવી નીતિને મંજૂરી અપાઈ છે. ગાંધીનગર મહાપાલિકાએ સરકારની માર્ગદર્શિકા અનુસંધાને નીતિ તૈયાર કરી છે. જે અનુસંધાને ગાંધીનગર શહેરની હદમાં ઢોર રાખવા માટે લાયસન્સ ફરજિયાત કરવામાં આવ્યું છે. શહેરમાં તમામ પ્રકારના પશુઓનું રજિસ્ટ્રેશન કરાવવું પડશે. ગાંધીનગરમાં જાહેરમાં પશુઓને ઘાસ નાખવા પર પ્રતિબંધ મુકવામાં આવ્યો છે. ગાંધીનગરમાં પશુઓ પર RFID ટેગ લગાવવા ફરજિયાત કરવામાં આવ્યું છે. અત્રે જણાવી કે, ગાંધીનગર મહાપાલિકાની સ્થાયી સમિતિમાં કેટલી પોલિસીને મંજૂરી અપાઈ છે.

'તમામ બાબતોને આવરી લેવાઈ'
ગાંધીનગર મનપાના સ્ટેન્ડિંગ કમિટીના ચેરમેન જસવંત પટેલે જણાવ્યું કે, રખડતા પશુ સંબંધી પોલિસી ગાંધીનગર મહાપાલિકા મંજૂર કરે છે. જેમાં તમામે તમામ પાસાઓને આવરી લઈને જેમ કે, આ પોલિસીની જરૂરીયાત ક્યાંથી ઉભી થઈ લઈ અને નવી પોલિસી અંતર્ગત RFID ચીપ લગાવવાની બાબત ટેપ લગાવવાની બાબત જેવી તમામ બાબતોને આવરી લેવાઈ છે.

જસવંત પટેલે શું કહ્યું ?
જસવંત પટેલે કહ્યું કે, ઘાસચોરો રસ્તા પર નહી નાંખવો તેમજ કેટલફિલ્ડ યોજના છે જેમ કે, ધાર્મિક પ્રસંગે ઘાસચારો ખવડાવવો હોય તો કેટલ પોઈન્ટ પર જઈ ખવડાવી શકે છે, તે પ્રકારની વ્યવસ્થા કરવામાં આવી છે. વધુ માહિતી આપતા જણાવ્યું કે, રખડતા ઢોર પકડવા જતી ગાંધીનગર મહાપાલિકાની ટીમને કેટલાક દુષણો માટે પણ કડક અમલવારી કરવામાં આવશે