SHORT & SIMPLE / સંતાનને સાચવજો! બાલાસિનોરમાં 6 વર્ષના બાળક પર શ્વાનનો હુમલો, માથાને ભાગે આવ્યા 10 ટાંકા

• મહીસાગરના બાલાસિનોરમાં રખડતાં શ્વાનનો આતંક
• તળવા દરવાજા પાસે 6 વર્ષ બાળકને શ્વાને ભર્યા બચકા 
• છેલ્લાં કેટલાક દિવસોથી શ્વાનનો આતંક યથાવત

ગુજરાતમાં રખડતા ઢોર બાદ હવે રખડતા શ્વાનનો આતંક સતત વધી રહ્યો છે. સુરતના હુમલા બાદ હોસ્પિટલમાં સારવાર લઈ રહેલા વૃદ્ધનું ગઈકાલે મોત નીપજ્યા બાદ આજે ફરી કૂતરાના હુમલાની ઘટના સામે આવી છે. મહીસાગર જિલ્લામાં 6 વર્ષના બાળકને શ્વાને બચકાં ભરતા પગ અને માથાના ભાગે 10 ટાંકા આવ્યા છે.

શ્વાનના આતંકથી નાગરિકોમાં ભારે રોષ
મળતી માહિતી અનુસાર, મહીસાગર જિલ્લાના બાલાસિનોરના તળવા દરવાજા પાસે 6 વર્ષ બાળક પર રખડતા શ્વાને હુમલો કર્યો હતો. જે બાદ તેને લોહીલુહાણ હાલતમાં હોસ્પિટલમાં ખસેડવામાં આવ્યો હતો. જ્યાં બાળકને પગ અને માથાના ભાગે 10 ટાંકા આવ્યા છે. બાલાસિનોરમાં છેલ્લા કેટલાક દિવસોથી શ્વાનનો આતંક યથાવત જોવા મળી રહ્યો છે. બાલાસિનોરમાં 15થી વધુ લોકો રખડતા શ્વાનનો શિકાર બન્યા છે. બાલાસિનોરમાં શ્વાનના આતંકથી નાગરિકોમાં ભારે રોષ જોવા મળી રહ્યો છે.