બહાદુરી / આ મર્દાની કહેવાય, 3 વર્ષના માસૂમને બચાવવા કૂદી પડી 40 ફૂટ ઊંડા કૂવામાં, પછી શું થયું બન્નેનું?

• ઝારખંડના ચતરા જિલ્લામાં દીકરીની બહાદુરીનો કિસ્સો
• 13 વર્ષની દીકરીએ હેમખેમ બચાવી
• ગ્રામજનોને સાહસિક વૃત્તિને બિરદાવી

ઝારખંડના ચતરા જિલ્લામાં ચકચારી ઘટના સામે આવી હતી. જેમાં 40 ફૂટ ઊંડા 3 વર્ષનો બાળક પડી ગયો હતો. આ દરમિયાન કૂવામાં ડૂબી ગયેલા બહેનના ત્રણ વર્ષના પુત્રને 13 વર્ષની દીકરીએ હેમખેમ બચાવી અને બહાદુરીનું ઉત્તમ ઉદાહરણ પૂરું પાડ્યું હતું. મયુરહંદ બ્લોકના હુસીયન ગામમાં ત્રણ વર્ષનો શિવમ અન્ય બાળકો સાથે કુવા પાસે રમતો હતો. આ દરમિયાન અકસ્માતે કૂવામાં પડી ગયો હતો. જે મામલે જાણ થતા 13 વર્ષની મોસી કાજલ તાત્કાલિક પોતાના જીવનની ફરવા કર્યા વગર કુવામાં ઝંપળાવ્યું હતું.

પીડાને પછાડી અને શિવમને બચાવી લીધો
કાજલે કુવામાં લગાવેલ ઈલેક્ટ્રિક મોટરના પાઇપ વડે અંદર ઉતરી અને બાળકને હેમખેમ ઉગારી લીધો હતો. બાદમાં દીકરીએ કુવામાંથી જોરદાર અવાજ કર્યો હતો. આ દરમિયાન ગ્રામજનોને જાણ થતા એક કલાક પછી ગ્રામજનો દોડ્યા હતા અને કુવામાં દોરડા વડે કાજલ અને બાળકને કૂવામાંથી બહાર કાઢ્યા હતા. મહત્વનું છે કે આઠમા ધોરણમાં અભ્યાસ કરતી કાજલને કૂવામાં ઉતારતી વેળાએ માથા અને શરીરના ભાગે નાની મોટી ઈજાઓ પણ થઈ હતી. છતાં તેમણે પોતાની પીડાને પછાડી અને શિવમને બચાવી લીધો હતો.

યુવતીની હોસ્પિટલમાં સારવાર

આ મામલે ચતરાના ડેપ્યુટી કમિશનર અબુ ઈમરાને જણાવ્યું કે તેમણે છોકરીના કામ અને તેના પરિવાર વિશે માહિતી માંગી છે. આ જબરદાસ્ત તાકાતનો પરચો બતાવવા બદલ તેમનું સન્માન અને પુરસ્કાર આપવામાં પણ મહેનત કરશે. બીજી તરફ તેમના પરિવારજનોએ કહ્યું કે હાલ તેમની ઇજાને પગલે સ્થિતિ નાજુક છે અને સારવાર માટે હોસ્પિટલમાં દાખલ કરવામાં આવી રહી છે.