હડતાળની અસર / ગૃહિણીઓને મોટી રાહત: આવકમાં વધારો થતા શાકભાજીના ભાવમાં ઘટાડો, જાણો પ્રતિ કિલોએ કોની કેટલી કિંમત

• શિયાળામાં શાકભાજીના ભાવમાં ઘટાડો
• પાકની આવક થતાં ભાવમાં નોંધાયો ઘટાડો
• આદુના ભાવમાં આંશિક ઘટાડો

 હિંમતનગર વડાલી માર્કેટિંગયાર્ડમાં શાકભાજીનો ભરાવો થયો છે. ટ્રાન્સપોર્ટની હડતાળથી શાકભાજીનો યાર્ડમાં ભરાવો થવા પામ્યો છે. યાર્ડમાં શાકભાજીનો ભરાવો થતા ભાવમાં ધરખમ ઘટાડો થવા પામ્યો હતો. હોલસેલ શાકભાજીમાં 50 ટકા જેટલા ભાવ ગગડ્યા હતા. હડતાળને પગલે કોઈ શાકભાજીની નિકાસ થઈ રહી નથી. ત્યારે ભાવ ગગડતા ખેડૂતોએ કરેલા ખર્ચ પર અસર થઈ છે. સરકાર યોગ્ય પગલા ભરે તેવી શાકભાજી પકવતા ખેડૂતોની માંગ છે.

આદુના ભાવમાં આંશિક ઘટાડો
અમદાવાદમાં પણ શાકભાજીનાં ભાવમાં ઘટાડો જોવા મળી રહ્યો છે. શિયાળામાં પાકની આવક થતાં ભાવમાં ઘટાડો નોંધાયો છે. લીલી ભાજી 30 રૂપિયા કિલો અને મૂળો અને ગાજરનાં ભાવમાં 20-30 રૂપિયે કિલોનો ઘટાડો થયો છે. તો આદુનાં ભાવમાં પણ આંશિક ઘટાડો થયો છે. 200 રૂપિયે કિલો મળતું આદુ હાલ 160 રૂપિયે કિલો મળે છે. તો બજારમાં ટામેટાનો સૌથી ઓછો 20-30 રૂપિયા કિલો ભાવ છે. તો તુવેર 80-100 રૂપિયા અને લીલી મરચા 60-80 રૂપિયા કિલોનો ભાવ છે. જ્યારે વટાણા 30-40 રૂપિયા કિલો ભાવ જોવા મળ્યો હતો. 

વધુ વાંચોઃ પેટ્રોલ પંપો પર લાઇન ન લગાવતા: ટ્રકચાલકોની હડતાળ વચ્ચે ફેલાતી અફવાઓ મુદ્દે ગુજરાતને લઈને સ્પષ્ટતા

કયા શાકભાજીના ઘટ્યા ભાવ?

શાકભાજી	ભાવ (કિલોમાં)
લીલી ભાજી	20 રૂપિયા કિલો
મૂળો	20 રૂપિયે કિલો
ગાજર	30 રૂપિયે કિલો
આદુ	160 રૂપિયે કિલો
ટામેટા	20થી 30 રૂપિયે કિલો
વટાણા	30થી 40 રૂપિયે કિલો
તુવેર	80થી 100 રૂપિયે કિલો
વટાણા	30થી 40 રૂપિયે કિલો