ગુડ ન્યૂઝ / નકલી સોનાનું વેચાણ અને ચોરી અટકાવવા સરકારનો મોટો નિર્ણય, 1 એપ્રિલ બાદ આ વસ્તુ કરાઇ ફરજિયાત, જ્વેલરી ટ્રેક કરવી સરળ

• નકલી સોનાનું વેચાણ અને ચોરી અટકાવવા મામલે મોટો નિર્ણય
• સોનાના વેપારીઓ હોલમાર્ક સિવાય હવે જ્વેલરી વેચાણ નહીં કરી શકે
• 1 એપ્રિલ બાદ હોલમાર્ક સિવાય જ્વેલરીનું વેચાણ થઇ શકશે નહીં

નકલી સોનાનું વેચાણ અને ચોરી અટકાવવા માટે સરકારે મોટો નિર્ણય લીધો છે. સોનાના વેપારીઓ 1 એપ્રિલ બાદથી હોલમાર્ક સિવાયની જ્વેલરી વેચી શકશે નહી. તેમજ સોનાની દરેક ચીજવસ્તુઓ પર હોલ માર્કનો માર્કો કરેલો જરૂરી છે. સાથે જ 6 અંકનો હોલમાર્ક યુનિક આઈડેન્ટિફિકેશન નંબર પણ લગાવવો પડશે. જેથી હોલમાર્કના દાગીના કેટલા કેરેટના છે તેની ગ્રાહકને ગેરંટી મળશે. સાથે જ સોનું કે તેમાંથી બનાવેલી જ્વેલરીને પણ ટ્રેક કરવી સરળ બનશે.

સોનાના વેચાણને લઈ સરકારનો નિર્ણય 
સોનાના વેચાણને લઈ સરકારે મોટો નિર્ણય લીધો છે. સોનાના વેપારીઓ હોલમાર્ક સિવાય હવે જ્વેલરી વેચાણ કરી શકશે નહીં. 1 એપ્રિલ બાદ હોલમાર્ક સિવાય જ્વેલરીનું વેચાણ થઇ શકશે નહીં તેમજ સોનાની દરેક જ્વેલરીને એક યુનિક હોલમાર્ક નંબર મળશે. દરેક દાગીનાને 6 અંકનો હૉલમાર્ક યુનિક આઇડેન્ટિફિકેશન નંબર મળશે તેમજ હોલમાર્કથી દાગીના કેટલા કેરેટના છે તેની ગ્રાહકને ગેરન્ટી મળશે.

નિયમનો ભંગ કરનારને દંડ થશે
જેનાથી સોનું કે તેનાથી બનેલી જ્વેલરીને ટ્રેક કરવી સરળ બનશે. નકલી સોનાના વેચાણ અને ચોરી અટકાવવા માટે હૉલમાર્કિંગ ફરજિયાત કરાયું છે. જ્વેલર્સ ગ્રાહકો પાસેથી હૉલમાર્ક વગરના જૂનું સોનુ તેમજ દાગીના ખરીદી શકશે. હોલમાર્કના નિયમનો ભંગ કરનાર વેપારીને સોનાની કિંમત કરતા પાંચ ઘણા દંડની જોગવાઈ કરાઈ છે.

હોલમાર્કથી શું ફાયદો?
ગ્રાહકોને શુદ્ધ સોનું મળી રહેશે
સોનની શુદ્ધતા જળવાઇ રહેશે
ગ્રાહકો સાથે છેતરપિંડી અટકશે 
સોનાની ચોરીની ઘટનાઓ અટકશે
ગ્રાહકોને પણ ભવિષ્યમાં સારી કિંમત મળશે