- ઓડિશામાં EDએ સૌથી છેતરપિંડી મામલે ઇસમ સામે નોંધ્યો કેસ
- ઇસમ સામે આરોપ છે કે, તેણે 27 વખત લગ્ન કર્યા
- 10 રાજ્યોમાં 27 મહિલાઓ સાથે લગ્ન કરીને લાખો રૂપિયાની કરી છેતરપિંડી
- સ્વેનના નાણાકીય વ્યવહારોની તપાસ કરવામાં આવશે: ED
ઓડિશામાં એન્ફોર્સમેન્ટ ડિરેક્ટોરેટે સૌથી મોટા છેતરપિંડી કરનાર રમેશ સ્વેન નામના વ્યક્તિ વિરુદ્ધ કેસ નોંધ્યો છે. વાત જાણે એમ છે કે, આ ઇસમ સામે આરોપ છે કે, તેણે 27 વખત લગ્ન કર્યા છે, એક અધિકારીએ માહિતી આપતા કહ્યું છે કે, સ્વેનના નાણાકીય વ્યવહારોની તપાસ કરવામાં આવશે. આ તરફ હવે એજન્સી વધુ પૂછપરછ માટે ઈસમના રિમાન્ડ પણ માંગી શકે છે.
ઓડિશા પોલીસે ગયા વર્ષે સ્વેનની 10 રાજ્યોમાં 27 મહિલાઓ સાથે લગ્ન કરીને લાખો રૂપિયાની છેતરપિંડી કરવાના આરોપમાં ધરપકડ કરી હતી. હાલમાં ઓડિશાનાં કિસ્સામાં પોલીસે સ્વેનની પત્નિઓ, સાવકી બહેન ડૉ. કમલા સેઠી અને ડ્રાઈવરની ધરપકડ કરી હતી. જોકે તમામને હાઇકોર્ટમાંથી જામીન મળી ગયા છે.
શું કહ્યું EDના અધિકારીઓએ ?
સમગ્ર મામલે EDના અધિકારીઓએ કહ્યું કે, તપાસ એજન્સી હાલ રાજ્ય પોલીસના સંપર્કમાં છે. ઉપરાંત રિકવર કરાયેલ દસ્તાવેજોની તપાસ કરવામાં આવી રહી છે. 2011માં હૈદરાબાદમાં MBBS કોર્સની સીટોના બદલામાં લોકોને 2 કરોડની છેતરપિંડી કરવા બદલ સ્વેનની ધરપકડ કરવામાં આવી હતી. આ સાથે 2006માં તેને કેરળની 13 બેન્કોને રૂ. 1 કરોડની છેતરપિંડી કરી હતી.
સ્વેનની 8 મહિનાની શોધખોળ બાદ 13 ફેબ્રુઆરીએ પોલીસની વિશેષ ટીમ દ્વારા ધરપકડ કરવામાં આવી હતી. દિલ્હીમાં રહેતી તેની પત્નિ દ્વારા મે 2021માં તેની સામે ફરિયાદ દાખલ કરવામાં આવી હતી. તે સ્વેનને 2018માં મેટ્રોમની સાઇટ દ્વારા મળી હતી. તે દરમિયાન સ્વેને દાવો કર્યો હતો કે, તે સ્વાસ્થ્ય મંત્રાલયમાં ડેપ્યુટી ડાયરેક્ટર જનરલ છે.
એવું કહેવાય છે કે, સ્વેન પાસે ભુવનેશ્વરમાં ઓછામાં ઓછા 3 ભાડાના મકાનો હતા. જ્યાં એક સમયે ત્રણ પત્નિઓને રાખી હતી. પોલીસ આ માહિતી આપી છે. તેની પત્નિઓએ પોલીસને જણાવ્યું હતું કે, ધણી વખત તેમની પત્નિઓ પાસે લોન માંગતો હતો અને પૈસા મળ્યા બાદ આગામી પત્નિની શોધ કરતો હતો.
જોકે અહી સૌથી મોટી અને ચોંકાવનારી વાત તો એ છે કે, તેની પત્નિઓમાં ITBPના આસિસ્ટન્ટ કમાન્ડન્ટ, છત્તીસગઢનાઅ ચાર્ટડ એકાઉન્ટન્ટ, આસામનાઅ ડૉક્ટર અને સુપ્રીમ કોર્ટ અને હાઇકોર્ટનાઅ બે વકીલો અને પ્રશાસનની એક મહિલાનો સમાવેશ થાય છે.
