શરમજનક / સુરતમાં પતિએ જ કરાવ્યો પત્નીનો રેપ: ભાઈબંધની હવસ પૂરી કરવા પત્નીને મારતો, ત્રણ મહિના સુધી ચાલ્યો ગંદો ખેલ

• 36 વર્ષીય મહિલાના પતિ અને મિત્ર પર દુષ્કર્મની ફરિયાદ
• પાંડેસરા પોલીસ મથકમાં નોંધાઈ ફરિયાદ
• પતિ મહિલાને પોતાના મિત્ર સાથે સંબંધ બાંધવા કરતો મજબૂર
• પાંડેસરા પોલીસે પતિ અને તેના મિત્રની કરી ધરપકડ 

Surat News: સુરતમાં 36 વર્ષીય મહિલાએ પતિ અને તેના મિત્ર સામે દુષ્કર્મની ફરિયાદ નોંધાવી છે. જેમાં તેણીએ જણાવ્યું છે કે પતિ પોતાના મિત્ર સાથે સંબંધ બાંધવા મજબૂર કરતો હતો, છેલ્લા 3 મહિનાથી પતિનો મિત્ર દુષ્કર્મ આચરતો હતો. હાલ પરિણીતાની ફરિયાદના આધારે પાંડેસરા પોલીસે પતિ અને તેના મિત્રની ધરપકડ કરી છે.

મિત્ર સાથે મહિલાને સંબંધ બાંધવા કરતો મજબૂર
પ્રાપ્ત માહિતી અનુસાર, સુરતના વડોદ ગામના કમલા ચોકમાં રહેતી 36 વર્ષીય પરિણીતાએ તેના પત્ની વિરેન રામહર્ષ દુબે અને પતિના મિત્ર મનીષ ગુપ્તા સામે ફરિયાદ નોંધાવી છે. જેમાં તેણીએ જણાવ્યું છે કે, પોતે ઘરનું કામ કરે છે અને પતિ મિલમાં કામ કરીને ઘરનું ગુજરાન ચલાવે છે. 

મનાઈ કરતા પતિ માર મારતો 
ગત જુલાઈ મહિનાથી પતિ વિરેન તને ઘરમાંથી કાઢી મુકવાની ધમકી આપીને માર મારતો હતો અને તેના મિત્ર મનીષ સાથે શારીરિક સંબંધ બાંધવા માટે દબાણ કરતો હતો. પરિણીતા મનાઈ કરતા પતિ અનેક વખત માર મારતો હતો. 

પતિના ત્રાસથી કંટાળી નોંધાવી ફરિયાદ 
પરિણીતાની લાચારીનો ફાયદો ઉઠાવીને મનીષ ગુપ્તાએ જુલાઈ માસથી અત્યાર સુધી એટલે કે ત્રણ મહિના સુધી હવસનો શિકાર બનાવી હતી. પતિ અને તેના મિત્રનો ત્રાસ વધી જતાં અંતે હિંમત દાખવી પરિણીતા પાંડેસરા પોલીસ સ્ટેશન ખાતે પહોંચી હતી અને ફરિયાદ નોંધાવી હતી. જે બાદ પાંડેસરા પોલીસની ટીમે તાત્કાલિક પીડિતાના પતિ અને તેના મિત્રની ધરપકડ કરી હતી. હાલ પોલીસે આ મામલે વધુ તપાસ હાથ ધરી છે.