- રાજકોટમાં નરાધમ શિક્ષકે વિદ્યાર્થિની સાથે આચર્યું દુષ્કર્મ
- ધોરણ-9માં ભણતી વિદ્યાર્થિની સાથે 3 વખત આચર્યું દુષ્કર્મ
- વિદ્યાર્થિનીને નરાધમ શિક્ષકે ઈન્સ્ટાગ્રામ પર ફસાવી હતી
- વિદ્યાર્થિનીને મળવાના બહાને ઘરે લઈ જઈ આચરતો હતો દુષ્કર્મ
રાજકોટના માધાપર ચોક પાસેના વિસ્તારમાં રહેતી માતાની સગીર વયની પુત્રી ફલેટ નીચે ફટાકડા ફોડવા જાવ છું તેમ કહી ઘરેથી નીકળી હતી. બાદમાં માતા નીચે ઉતરતા પુત્રી જોવા ન મળતા આસપાસ તપાસ કરી હતી. પણ તે મળી નહોતી. જેથી પરિવારના અન્ય સભ્યો સાથે શોધખોળ કરી હતી પરંતુ કોઈ ભાળ નહી મળતા યુનિવર્સિટી પોલીસ મથકમાં તેની સગીર વયની પુત્રીનું અજાણ્યો શખ્સ અપહરણ કરી નાસી છુટયાની ફરિયાદ નોંધાવી હતી.
ફટકાડા ફોડવા જવાનું કહી નીકળેલી સગીરા ગુમ થઈ ગઈ હતી
ફરિયાદ બાદ પોલીસ સતર્ક થઈ હતી અને તપાસમાં સામે આવ્યું કે અપહરણ કરાયેલી મનાતી બાળા પરમ દિવસે પરત ઘરે આવી ગઇ હતી. જેથી તેણીને પોલીસ સમક્ષ રજૂ કરવામાં આવી હતી. બાળાએ પહેલા તો પોતે જાતે જતી રહ્યાનું કહ્યું હતું. પણ કંઇક અજુગતુ બન્યાનું જણાતાં પોલીસે કાઉન્સેલીંગ કરતાં આ છાત્રાએ તેની જ શાળામાં શિક્ષક તરીકે નોકરી કરતો અભિષેક પંડયા નામનો લંપટ ઘર નજીક મળવાના બહાને બોલાવ્યા બાદ પોતાના ઘરે જામનગર રોડ ઘંટેશ્વર પાસે તિરૂપતિ હાઇટ્સમાં લલઇ ગયાનું અને ત્યાં ત્રણ વખત બળજબરીથી દૂષ્કર્મ આચરી લીધાનું કહેતાં પોલીસ પણ ચોંકી ઉઠી હતી.
સ્કૂલમાં 6 માસથી સંસ્કૃત-ગુજરાતી વિષય ભણાવતો હતો
મૂળ જામકંડોરણાના દળવી ગામના અને હાલ રાજકોટમાં જામનગર રોડ પર નાગેશ્વરમાં ફલેટમાં રહેતા અભીષેક વિમલ પંડયા સગીરાને પ્રેમજાળમાં ફસાવી ભગાડી ગયો છે. તે સ્કૂલમાં 6 માસથી સંસ્કૃત-ગુજરાતી વિષય ભણાવતો હતો અને અગાઉ ન્યારાના પાટીયા પાસે આવેલી સ્કુલમાં નોકરી કરતો હતો. ત્યાં સ્કુલમાં અભ્યાસ કરતી સગીર વિદ્યાર્થિનીને પ્રેમજાળમાં ફસાવી હતી. સગીરાને ભોળવી લગ્નની લાલચે ભગાડી દુષ્કર્મ આચર્યું હોવાથી મેડીકલ ચેકપ કરાવી પોક્સો સહિતની કલમ ઉમેરી આરોપીની ધરપકડ કરી કાયદેસરની કાર્યવાહી હાથ ધરવામાં આવી છે.ઉલ્લેખનીય છે કે પકડાયેલ આરોપી લંપટ શિક્ષક અભિષેક પંડ્યાની સગાઈ થઈ ચુકી છે અને આગામી તા.27 ડિસેમ્બરના રોજ તેના લગ્ન પણ નિર્ધારેલા છે.
