ક્રાઈમ / અમદાવાદમાં પરણેલા યુવાને પ્રેમજાળમાં ફસાવીને સગીરા પર રેપ કર્યો, પોલીસની બીકે આપઘાતનો પ્રયાસ

• અમરાઈવાડીમાં 12 વર્ષની બાળકી પર બળાત્કાર
• પરણિત યુવકે પ્રેમજાળમાં ફસાવીને આચર્યું દુષ્કર્મ
• બાળકીની તબીયત ખરાબ થતા માતાને જાણ કરી

અમદાવાદના અમરાઈવાડી વિસ્તારમાં 12 વર્ષની બાળકી સાથે પરણિત યુવકે પ્રેમજાળમાં ફસાવીને બળાત્કાર ગુજાર્યો હતો. આ બાળકીની તબીયત ખરાબ થતા તેણે પોતાની માતાને દુષ્કર્મની વાત કરી ત્યારે બાળકીની માતાએ અમરાઈવાડી પોલીસ સ્ટેશનમા સંજય વાઘેલા નામના યુવક વિરૂધ્ધ ફરિયાદ નોંધાવી હતી. પોલીસે આરોપીને પકડવા પહોંચે તે પહેલા સંજયએ ઝેરી દવા પીને આપઘાતનો પ્રયાસ કર્યો હતો. જેથી આરોપીને હોસ્પીટલમાં ખસેડવામાં આવ્યો હતો. આ દુષ્કર્મ તપાસમા ગીરીશ અને કિંજલનુ નામ સામે આવતા પોલીસે બન્નેની ધરપકડ કરીને વધુ તપાસ હાથ ધરી છે.

માતાએ અમરાઈવાડી પોલીસ સ્ટેશનમા ફરિયાદ નોંધાવી 
આરોપી ગીરીશ સિંધવ અને કિંજલ જેમણે 12 વર્ષની બાળકી સાથે દુષ્કર્મ કેસમા મદદગારીની ભૂમિકા ભજવી છે. જેથી પોલીસે તેમની ધરપકડ કરી છે. ઘટના એવી છે કે, અમરાઈવાડી વિસ્તારમા 12 વર્ષની બાળકી સાથે પરણિત યુવકે પ્રેમજાળમા ફસાવીને બળાત્કાર ગુજાર્યો હતો. પકડાયેલા આરોપી ગીરીશ અને સંજય બન્ને મિત્રો છે. ગીરીશ પરણિત છે. જયારે કિજંલ તેની પ્રેમિકા છે અને કિંજલ પણ પરણિત છે. 30 વર્ષના સંજયે 12 વર્ષની બાળકીને પ્રેમજાળમા ફસાવવા તેને મોબાઈલ ગીફટ આપ્યો હતો. અને તેની સાથે ફોન પર વાતચીત કરીને પ્રેમજાળમા ફસાવી હતી. ત્યારબાદ બાળકીને મળવા બોલાવી હતી. 

પોલીસે વધુ કાર્યવાહી હાથ ધરી
આરોપી ગીરીશ અને કિજંલે રૂમની પણ વ્યવસ્થા કરી હતી. આરોપી સંજયે બાળકીની એકલતાનો લાભ લઈને તેની સાથે દુષ્કર્મ આચર્યું હતું. બાળકી આ ઘટનાથી ગભરાઈ ગઈ અને તેને પોતાની માતાને સમગ્ર હકીકત કહેતા આરોપીઓનો ભાંડો ફુટયો હતો અને તેઓ જેલના સળીયા પાછળ ધકેલાયા છે. મુખ્ય આરોપી સંજય હોસ્પિટલમા સારવાર લઈ રહ્યો છે અને પોલીસની નજર કેદમા છે જયારે ગીરીશ અને કિંજલની ધરપકડ કરીને તેને કોર્ટમા રજૂ કરવાની કાર્યવાહી હાથ ધરવામાં આવી છે.