કામની વાત / આજથી બદલાઈ ગયા આ 6 નિયમો, જાણો તમારા ખિસ્સા પર કેવી થશે અસર

• આજથી બદલાઈ ગયા આ 6 નિયમો
• જાણો 6 ફેરફારો તમારા ખિસ્સા પર કેવી કરશે અસર
• આજે રજૂ થશે બજેટ 2021

1 ફેબ્રુઆરીથી એટલે કે આજથી  ATM માંથી પૈસા ઉપડવાથી લઈને ગેસ સિલિન્ડરની કિંમતો સુધીના 6 નિયમો બદલાઈ ગયા છે. જો નવા નિયમો શરૂઆતથી જાણી લેશો તો તમે પ સરળતાથી બજેટ બનાવી શકશો અને તમને મુશ્કેલી પડશે નહીં તો આવો જાણીએ એવા ફેરફારો વિષે જે ફેબ્રુઆરી મહિનામાં લાગુ થઈ રહ્યા છે.

આ ATMમાંથી નહીં નીકળે રૂપિયા
જો તમે પંજાબ નેશનલ બેંકના ગ્રાહક છો, તો આ જાણકારી તમારા માટે મહત્વપૂર્ણ છે. કારણ કે, 1 ફેબ્રુઆરીથી પીએનબી એટીએમમાંથી પૈસા કાઢવાના નિયમો બદલાઈ રહ્યા છે. પીએનબી નોન ઈવીએમ એટીએમ મશીનોથી 1/2/2021 થી લેવડદેવડ ને માટે રોક લગાવાઈ છે. ફક્ત ઈએમવી એટીએમથી જ પૈસા ઉપડશે.  

એયર ઈંડિયા એક્સપ્રેસની આંતરરાષ્ટ્રીય ઉડાન શરૂ થશે
આજથી જ એયર ઈંડિયા એક્સપ્રેસની નવી ઘરેલુ અને આંતરરાષ્ટ્રીય ઉડાન શરૂ થશે. અગાઉ શરૂ કરાયેલા રૂટની સાથે જ કુવૈતથી વિજયવાડા, હૈદરાબાદ, મેંગલોર, ત્રિચી, કોઝિકોડ, કુન્નર અને કોચ્ચી માટે પણ કંપનીની વિમાન સેવાઓ શરૂ થશે.

બદલાઈ જશે ગેસ સિલિન્ડરના ભાવ
દર મહિનાની પહેલી તારીખે તેલ કંપનીઓ એલપીજી ગેસ સિલિન્ડરના ભાવમાં ફેરફાર કરે છે. એવામાં 1 ફેબ્રુઆરી 2021 ના રોજ ગેસ સિલિન્ડરની કિંમતમાં ફેરફાર થશે. આ  નવી કિંમતો તમારા ખિસ્સા પર મોટી અસર કરશે.

PMC બેંકની ખાસ ઓફર
કૌભાંડ સામે લડી રહેલી પંજાબ એન્ડ મહારાષ્ટ્ર કો-ઓપરેટીવ બેંક માટે અંતિમ બોલી લગાવવાની તારીખ 1 ફેબ્રુઆરી છે. સેન્ટ્રમ ગ્રુપ-ભારતપે (Centrum Group-BharatPe) અને યુકેની લિબર્ટી ગ્રુપ (Liberty Group) જેવા રોકાણકારોએ પોતાની ઓફર આપી છે.  

 ફાસ્ટેગ જરૂરી રહેશે
અગાઉ જાહેર થયેલા નવા નિયમ અનુસાર દેશમાં 15 ફેબ્રુઆરી 2021 થી દરેક ગાડીઓ માટે ફાસ્ટેગ ફરજીયાત થશે. નવી ગાડીઓની સાથે સાથે 1 ડિસેમ્બર 2017 પહેલા વેચેલા વાહનો માટે પણ ફાસ્ટેગ ફરજીયાત હશે. માર્ગ પરિવહન અને રાજમાર્ગ મંત્રાલય અનુસાર નવું થર્ડ પાર્ટી ઇન્શ્યોરન્સ લેતા સમયે પણ ફાસ્ટેગ જરૂરી હશે.