- સચિન તેંડુલકર આજે તેનો 50મો જન્મદિવસ ઉજવી રહ્યો છે
- તેંડુલકર ક્રિકેટમાં સદી ફટકારનાર વિશ્વનો એકમાત્ર બેટ્સમેન છે
- 50મા જન્મદિવસની ઉજવણીની થોડી તસવીરો શેર કરી
માસ્ટર બ્લાસ્ટર સચિન તેંડુલકર આજે તેનો 50મો જન્મદિવસ ઉજવી રહ્યો છે. આપણે બધા એ વાત તો સ્વીકારીએ છીએ કે જો ભારતમાં ક્રિકેટને ધર્મ માનવામાં આવે તો સચિન તેંડુલકરના ચાહકોએ તેને ક્રિકેટના ભગવાનનો દરજ્જો આપીએ.
આંતરરાષ્ટ્રીય ક્રિકેટમાં બેટિંગના તમામ મોટા રેકોર્ડ માસ્ટર બ્લાસ્ટરના નામે નોંધાયેલા છે એનએ સચિન તેંડુલકર ક્રિકેટમાં સદી ફટકારનાર વિશ્વનો એકમાત્ર બેટ્સમેન છે. સચિને 51 ટેસ્ટ અને 49 વનડે સદી છે. એવામાં હવે ક્રિકેટના ભગવાન માનવામાં આવતા સચિન તેંડુલકરે તેના 50મા જન્મદિવસની ઉજવણીની થોડી તસવીરો શેર કરી છે.
જન્મદિવસની શરૂઆત સ્વિમિંગ પૂલની બાજુમાં પ્રકૃતિની વચ્ચે બેસીને ચાની ચૂસકી લઈને કરી હતી અને તેનો ફોટો પણ તેના ચાહકો સાથે શેર કર્યો હતો. જણાવી દઈએ કે માસ્ટર બ્લાસ્ટરે બે તસવીરો શેર કરીને લખ્યું, 'T time: 50 Not out', સચિન તેંડુલકરનો જન્મ 24 એપ્રિલ 1973ના રોજ મુંબઈમાં થયો હતો.
સચિનનો 50મો જન્મદિવસ પણ ખાસ બની ગયો છે કારણ કે આ વર્ષે તેના પુત્ર અર્જુન તેંડુલકરે ઈન્ડિયન પ્રીમિયર લીગમાં ડેબ્યૂ કર્યું હતું.અર્જુન છેલ્લા કેટલાક સમયથી IPLમાં મુંબઈ ઈન્ડિયન્સ ટીમનો ભાગ છે પણ તેને આ વર્ષે પ્રથમ વખત પ્લેઈંગ ઈલેવનમાં રમવાની તક મળી છે.સચિન મુંબઈ ઈન્ડિયન્સ તરફથી રમી ચૂક્યો છે અને હજુ પણ આ ફ્રેન્ચાઈઝી ટીમ સાથે જોડાયેલો છે.
સચિન તેંડુલકરે 200 ટેસ્ટમાં 53.78ની એવરેજથી કુલ 15,921 રન બનાવ્યા છે, જ્યારે 463 વનડેમાં તેણે 44.83ની એવરેજથી 18,426 રન બનાવ્યા છે.સચિન તેંડુલકરના નામે ટેસ્ટ, આંતરરાષ્ટ્રીય ક્રિકેટમાં, વન-ડેમાં સૌથી વધુ રન અને સદીનો રેકોર્ડ પણ નોંધાયેલો છે.
