ગોઝારી ઘટના / ભાવનગર મહુવાની માલણ નદીમાં નાહવા ગયેલા 4 યુવાનો ડૂબ્યાં, 3 સગાભાઈના મોત, પોરબંદરમાં રમતા-રમતા બાળક નદીમાં પડ્યું

• ભાવનગરની મહુવાની માલણ નદીમાં 4 યુવકો ડૂબ્યા 
• નાના જાદરા ગામ પાસેથી પસાર થતી નદીમાં યુવકો ડૂબ્યા
• રૂપાવટી ગામેથી કામ માટે નાના જાદરા ગામે આવ્યા હતા

રાજ્યમાં વધુ એકવાર ડૂબવાથી મોતની બે ઘટનાઓ સામે આવી છે. ભાવનગરના મહુવાની માલણ નદીમાં 4 યુવકો ડૂબ્યા છે, તો બીજી તરફ પોરબંદરના રાણાકંદોરણાના જળાશયમાં માતા-પુત્રનું ડૂબવાથી મૃત્યું થયું છે. જે બંન્ને ઘટનાથી પરિવારમાં શોકના વાદળો ઘેરાયા છે. 

માલણ નદીમાં 4 યુવકો ડૂબ્યા
ભાવનગરના મહુવાની માલણ નદીમાં 4 યુવકો ડૂબ્યાની ઘટના સામે આવી છે. નાના જાદરા ગામ નજીકથી પસાર થતી નદીમાં યુવાનો ડૂબ્યા છે. બપોરના સમયે નદીમાં નાહવા જતા ચારેય યુવાનો ડૂબી ગયા હતા. જે નદીમાંથી 3 યુવાનોના મૃતદેહ મળી આવ્યા છે તેમજ અન્ય એક યુવાનોની શોધખોળ ચાલું છે. પાપ્ત વિગતો મુજબ રૂપાવટી ગામેથી કામ અર્થે નાના જાદરા ગામે આ યુવાનો આવ્યા હતા. 4 લોકો ડૂબ્યા છે, જેમાંથી ૩ના મૃતદેહો મળી આવ્યા જ્યારે એકની શોધખોળ ચાલું છે, અત્રે ઉલ્લેખનીય છે કે, મૃતકોમાં ૩ સગા ભાઈઓ હોવાનું સામે આવ્યું છે.

પોરબંદરમાં માતા-પુત્રનું ડૂબવાથી મોત
પોરબંદરમાં રાણાકંદોરણાના જળાશયમાં માતા-પુત્રનું ડૂબવાથી મોત થયું છે. ધાર સીમ નજીકમાં આ ઘટના બની છે. જળાશય નજીક રમતા રમતા બાળક પાણીમાં ગરકાવ થયું હતું. જે બાળકને બચાવવા માતાએ પાણીમાં ઝંપલાવ્યું હતું. જે ઘટનામાં માત-પુત્ર બંન્નેનું ડૂબવાથી મૃત્યુ થયું છે. ફાયર વિભાગે મૃતદેહને બહાર નીકાળવાની કામગીરી હાથ ધરી છે.