- IPS લોબીમાં ગુજરાતીઓનો વધશે દબદબો
- 25 ગુજરાતી એકસાથે IPS અધિકારી બનશે
- 2011ની બેચના અધિકારીઓને IPS નોમિનેટ કરાશે
આઇપીએસ ઑફિસર એટલે કે ઇન્ડિયન પોલીસ ઑફિસરનું પદ મળવુ એ ગૌરવપૂર્ણ અને પ્રતિષ્ઠતાભર્યુ માનવામાં આવે છે. અનેક યુવાઓની આઇપીએસ બનવાની ઇચ્છા હોય છે. જે માટે તેઓ દિવસ રાત એક કરીને તનતોડ મહેનત કરતા હોય છે. જો કે પોતાનામાં સિવિલ સર્વિસિસનો જુસ્સો હોવો પણ જરુરી છે. ત્યારે હવે ગુજરાત માટે ગૌરવપૂર્ણ અને મહત્વની ઘટના બનવા જઇ રહી છે. કારણ કે હવે આ કેડરમાં પણ ગુજરાતીઓનો દબદબો જોવા મળશે. જી, હા એકસાથે 25 અધિકારીઓ આઇપીએસ અધિકારી બનવા જઇ રહ્યા છે.
IPS લોબીમાં ગુજરાતીઓનો દબદબો
વર્ષ 2011ની બેચના અધિકારીઓને આઇપીએસ નોમિનેટ કરાશે. 25 જેટલા ગુજરાતી એક સાથે આઇપીએસ અધિકારી બનશે. આ તમામની નોમિનેશન માટેની ક્લિયરીંગ પ્રોસેસ પણ પૂર્ણ થઇ ગઇ છે. જેથી આવનારા સમયમાં આઇપીએસ લોબીમાં ગુજરાતીનો દબદબો વધશે તેમાં કોઇ બે મત નહી.
2011ની બેચના અધિકારીઓને IPS નોમિનેટ કરાશે
IPS માટેના નોમિનેશનમાં સુરતના DCP પન્ના મોમાયા, અમદાવાદ કંટ્રોલ રૂમના DCP ડો.હર્ષદ પટેલ તથા અમદાવાદ શહેરના ઝોન-4 DCP રાજેશ એચ.ગઢિયા સહિત 25 DySPનો સમાવેશ થાય છે.
ગુજરાતના ઇતિહાસમાં પ્રથમવાર
ગુજરાતના ઇતિહાસમાં આવુ ક્યારેય બન્યુ નથી કે એક સાથે 25 ગુજરાતીઓ આઇપીએસ માટે નોમિનેટ થયા હોય. આવુ પ્રથમ વખત થવા જઇ રહ્યું છે કે વર્ષ 2011ની બેચના DySP બનેલા GPSCના અધિકારીઓને લાભ મળશે. મહત્વનું છે કે અત્યારસુધી ગુજરાતમાં IPS અધિકારીઓની નિમણૂક 2:1 રેસિયો પર થતી આવી છે, જેમાં ડાયરેક્ટ UPSC ક્લિયર કરનાર 2, GPSC ક્લિયર કરીને પ્રોમોશન લેનાર 1 IPS હોય છે.
36 DySPની જિલ્લામાં SP અને શહેરમાં DCP તરીકે નિમણૂક
મહત્વનું છે કે ગુજરાત કેડરના 4 આઇપીએસ અધિકારી સજ્જન સિંહ વી. પરમાર, અશોક મુનિયા, મયૂર ચાવડા અને ઉષા રાડાને IPS કેડર ફાળવવામાં આવી હતી. તેમજ એવી પણ માહિતી મળી રહી છે કે વર્ષ 2011ની બેચના પાસ થયેલા 36 DySP જિલ્લામાં SP તરીકે તેમજ શહેરમાં DCP તરીકે નિમણૂક પામ્યા છે જેઓ આવનારા સમયમાં મહત્વની જગ્યા પર હશે.
