- 2023નો ઉનાળો રહેશે વધારે ગરમ
- કેન્દ્ર સરકારે અત્યારથી કમર કસી
- રાજ્યોને આપ્યાં તૈયાર રહેવાના આદેશ
કેબિનેટ સચિવ રાજીવ ગૌબાએ મંગળવારે તમામ રાજ્યો અને કેન્દ્રશાસિત પ્રદેશોને અત્યારથી ગરમી સામેના ઉપાયો કરવાનો નિર્દેશ આપી દીધો છે. તેમણે કહ્યું કે 2023 સામાન્ય કરતા વધુ ગરમ રહેવાની ધારણા છે. આ બાબતને ધ્યાનમાં રાખીને, સંબંધિત પડકારોનો સામનો કરવા માટે પૂરતી રીતે તૈયાર રહો. ગૌબાએ આગામી ઉનાળાની તૈયારીઓની સમીક્ષા માટે એક બેઠકની અધ્યક્ષતામાં આ સૂચનાઓ આપી હતી.
હીટવેવની તૈયારીની સમીક્ષા
રાજીવ ગૌબાએ કહ્યું કે 2023 સામાન્ય કરતા વધુ ગરમ રહેવાની અપેક્ષા હોવાથી, રાજ્યો અને કેન્દ્રશાસિત પ્રદેશોએ સંબંધિત પડકારોને પહોંચી વળવા માટે પૂરતી રીતે તૈયાર રહેવાની જરૂર છે.
કેન્દ્રીય એજન્સીઓ રહેશે ઉપલબ્ધ
ગૌબાએ જણાવ્યું હતું કે આરોગ્ય અને પરિવાર કલ્યાણ મંત્રાલય (એમઓએચએફડબ્લ્યુ) અને નેશનલ ડિઝાસ્ટર મેનેજમેન્ટ ઓથોરિટી (એનડીએમએ) દ્વારા જારી કરવામાં આવેલી સલાહોને પ્રાદેશિક ભાષાઓમાં અનુવાદિત કરી શકાય છે અને મોટા પાયે લોકો સુધી લઈ જઈ શકાય છે. કેબિનેટ સચિવે વધુમાં હેન્ડપંપોના સમારકામ, ફાયર ઓડિટ અને મોકડ્રીલ જેવી મૂળભૂત તૈયારીઓના મહત્વ પર ભાર મૂક્યો હતો. તેમણે રાજ્યોને ખાતરી આપી હતી કે, કેન્દ્રીય એજન્સીઓ જરૂરિયાત મુજબ અને સમયાંતરે તેમની સાથે સંકલન જાળવી રાખશે તથા જરૂરી સહાય માટે હંમેશા ઉપલબ્ધ રહેશે.
તાપમાન સામાન્ય કરતા 2-30 ડિગ્રી સેલ્સિયસ વધુ હોઈ શકે
ભારતીય હવામાન વિભાગ (આઇએમડી) એ પણ માર્ચથી મે 2023 સુધીનું તાપમાન કેટલું રહેશે તે અંગેની માહિતી શેર કરી છે. આઇએમડીએ જણાવ્યું હતું કે, આ સમયગાળા દરમિયાન ઉત્તરપૂર્વ, પૂર્વ અને મધ્ય ભારતના મોટાભાગના ભાગો અને ઉત્તરપશ્ચિમ ભારતના કેટલાક ભાગોમાં મહત્તમ તાપમાન સામાન્યથી વધુ રહેવાની સંભાવના છે. આઇએમડીએ એ પણ માહિતી આપી હતી કે દક્ષિણ દ્વીપકલ્પ ભારત સિવાય દેશના મોટાભાગના ભાગોમાં લઘુત્તમ તાપમાન સામાન્યથી ઉપર રહેવાની સંભાવના છે. માત્ર દક્ષિણના વિસ્તારોમાં સામાન્યથી ઓછું તાપમાન રહેવાની સંભાવના છે. આઇએમડીએ વધુમાં માહિતી આપી હતી કે માર્ચના છેલ્લા અઠવાડિયા દરમિયાન ભારત-ગંગાના મેદાનો અને પૂર્વી ભારતના કેટલાક ભાગોમાં તાપમાન સામાન્ય કરતા 2-30 ડિગ્રી સેલ્સિયસ વધુ રહી શકે છે.
પીએમ મોદી પણ ઉનાળાને લઈને કરી ચૂક્યા છે મોટી સમીક્ષા બેઠક
ઉલ્લેખનીય છે કે ઉનાળાને લઈને પીએમ મોદી પણ મમોટી સમીક્ષા કરી ચૂક્યા છે. અને હવે કેબિનેટ સચિવે બેઠક કરીને રાજ્યોને ચેતવ્યાં છે.
આ વખતના ઉનાળામાં તાપમાન 40 ડિગ્રીની ઉપર રહેશે
હવામાન ખાતાએ આ વખતના ઉનાળામાં મોટા ભાગના રાજ્યોમાં તાપમાન 40 ડિગ્રી ઉપર રહેવાનું અનુમાન કર્યં છે.
