સુરતમાં અપહત સગીરનો મૃતદેહ મળી આવ્યો છે. સુરત જિલ્લા પોલીસે બે દિવસ સુધી સગીર સહી સલામત શોધી કાઢવા દિવસ રાત ચક્રોગતિમાન કર્યા. પરંતુ નિરાશા હાથ લાગી છે. સગીરનું અપહરણ કરી ૧૫ લાખની ખંડળી મામલે પોલીસે એક આરોપીને ઝડપી તેની પૂછપરછ હાથ ધરી છે. જ્યારે અન્યો લોકોની સમગ્ર મામલે તપાસ ચાલી રહી છે.
Share
સુરતના કડોદરા નજીક બાળકના અપહરણનો કેસ
અપહરણ થયેલા બાળક અમરેન્દ્ર ઉર્ફે શિવમનો મૃતદેહ મળી આવ્યો
કામરેજના ઉંભેળ ગામની સીમમાંથી મળી આવ્યો બાળકનો મૃતદેહ
સુરત જિલ્લામાં છાશવારે ચોરી, લૂંટ, હત્યા, બળાત્કાર, અપહરણ જેવા ગંભીર ગુનાઓ બનતા હોય છે. સુરત જિલ્લા પોલીસ પણ ગુનાઓએ નાથવા મથામણ કરી રહી છે. પરંતુ ગુનેગારો માટે સુરત જિલ્લો આશીર્વાદ સમાન હોય તેમ એક પછી એક ગુનાઓને કોઈ પણ ડર વગર અંજામ આપી રહ્યા છે. સુરત જિલ્લાના કડોદરા વિસ્તારમાં શિવમ સોસાયટીમાં સુધીર મહંતો નામના વ્યક્તિ રહે છે. જેઓ ડ્રાઈવીંગનાં વ્યવસાય સાથે સંકળાયેલા છે. તેમનો એક ૧૨ વર્ષીય અમરેન્દ્ર ઉર્ફે શિવમ મહંતો નામનો દીકરો છે. ૮ તારીખના રોજ સુધીર મહેતો જ્યારે પોતાના નિત્યક્રમ અનુસાર ટેમ્પો લઈ ઘરે પહોંચ્યા. ત્યારે એક અજાણ્યા મોબાઈલ નંબરથી ફોન આવ્યો. ફોન પરની વાત સાંભતા જ તેઓના પગ નીચેની જમીન ખસી ગઈ. આ ફોન એક અપહરણકર્તાનો હતો.
અપહરણકર્તાના ફોનથી ગભરાયેલ પરિવાર અંતે પોલીસે જાણ કરી
અપહરણ કરનાર ઇસમે તેમનો દીકરો ઘરે આવ્યો કે નહીં તેમ પિતાને પૂછ્યું હતું. જે બાદ પિતાએ "નહિ આયા" તેમ જણાવ્યું હતું. ત્યારે ફરીથી અપહરણ કરનાર નો ફોન આવતા તેને ધમકી આપતી હતી કે, "તુમ્હારા લાડકા ઘર નહીં આએગા તુંમ મુજે પૈસે દોગે તો લડકા આયેગા"ઓર પોલીસ મેં જાયેગા તો તુમ્હારા લડકા નહિ આયેગા. અને સગીરના પિતાએ આ વાત સાંભળી પાડોશી તેમજ આસપાસમાં શિવમની શોધખોળ હાથ ધરી હતી. જોકે કોઈ ભાળ મળી ન હતી. ત્યાર બાદ ફરીથી અપહરણકર્તા નો ફોન આવે છે અને જણાવે છે કે "પોલીસ મેં ગયા તો તેરે બચ્ચો કો માર ડાલુગા મેરે આદમી તેરે પીછે લગા હુએ હૈ સુબહ તક ૧૫ લાખ કી વ્યવસ્થા કરી દેના" તેવુ કહી ફોન કાપી નાખ્યો હતો. અપહરણકર્તાના ફોનથી ગભરાયેલ પરિવાર અંતે પોલીસે જાણ કરી હતી.
પોલીસે શકમંદોની ભાળ મળતા તેઓનાં ફોટા સાથે શોધખોળ હાથ ધરી
પોલીસ ઘટનાની ગંભીરતા સમજી સુરત જિલ્લા સહિત આસપાસ ના વિસ્તારમાં કોમ્બિનગ કરી દિવસ રાત એક કરી સગીર દીકરા ને સહી સલામત અપહરણકર્તાની ચૂંગલમાંથી છોડવાવા મથામણ કરી રહી હતી. પોલીસ કડોદરા સહિત તમામ વિસ્તારમાં હ્યઇમન ઇન્ટીલીજન્સ, ટેકનિકલ એનાલિસિસ, સીસીટીવી ફૂટેજ ખૂંદી રહી હતી. સતત બે પોલીસ તમામ વિસ્તારમાં તમામ પાસાની ઝીણવટ ભરી તપાસ હાથ ધરી રહી હતી. જોકે આજ મામલે કેટલાક શકમંદોની ભાળ મળતા તેઓની ફોટા સાથે શોધખોળ હાથ ધરી છે. પરંતુ અંતે અપહરણકર્તાઓ પોલીસ પકડમાં આવી જશે તેવા ડર વધતા બાળકની હત્યા કરી દીધી હતી. અને કામરેજ તાલુકાન ઉંભેર ગામની સીમમાં ઝાડી જાખડા માં તેનો મૃતદેહ ફેંકી દઈ ફરાર થઇ ગયા હતા.
પોલીસ દ્વારા અલગ અલગ ટીમો બનાવી આરોપીઓને ઝડપવાની તજવીજ હાથ ધરી
મહત્વનું છે કે પોલીસે સમગ્ર અપહરણના ગુના એક રીક્ષા અને એક આરોપીની ધરપકડ કરી લીધી છે. તેમજ અન્ય શકમંદોની પણ ઓળખ કરી લીધી છે. અપહરણકર્તાઓએ પણ એજ વિસ્તારમાં રહેતા હોવાથી એકબીજાને પરિચિત હોવાનું હાલ સામે આવી રહ્યું છે. અને આ આરોપીઓ ગુનાહિત ઇતિહાસ ધરાવતા આરોપીઓ છે. જોકે અન્ય અપહરણકર્તા પોલીસ પકડથી દુર છે. જેને લઈ સુરત જિલ્લા LCB, SOG, સહિત રેન્જ ની ટીમ તેઓને ઝડપી પાડવા ચક્રોગતિમાન કરી વધુ તપાસ હાથ ધરી છે.
