- છોકરાઓએ જબરી ટેલેન્ટ દેખાડી
- ભંગાર અને માટીમાંથી બનાવી દીધી કરોડોની લક્ઝરી કાર
- વીડિયો વાયરલ, જોઈને લોકોને મળી મોટી પ્રેરણા
લોકોમાં કેવું કેવું ટેલેન્ટ છુપાયેલુ પડ્યું છે તે વાતને સાર્થક કરતો એક કિસ્સો પ્રકાશમાં આવ્યો છે. કૌશલ્ય એક એવી વસ્તુ છે જે તમને કરોડોની વચ્ચે પણ પ્રખ્યાત બનાવે છે. આજકાલ ટેલેન્ટનો સમય આવી ગયો છે, દરેક વ્યક્તિ પોતાની પ્રતિભાથી આગળ વધીને પૈસા કમાઇ રહ્યા છે. આવી સ્થિતિમાં, જેની પણ તેમાં સર્જનાત્મકતા હોય છે, તેને આગળ વધવાથી કોઈ રોકી શકતું નથી.
માટી, પ્લાસ્ટિક અને લોખંડમાંથી કરોડો રૂપિયાની લક્ઝરી કાર બનાવી
સોશિયલ મીડિયા પર આજકાલ કેટલાક યુવાનોના ટેલેન્ટનો એક શાનદાર વીડિયો વાયરલ થઇ રહ્યો છે. આ છોકરાઓએ માટી, પ્લાસ્ટિક અને લોખંડમાંથી કરોડો રૂપિયાની લક્ઝરી કાર બનાવી છે. જેને જોઈને આ કઈ છે અને કઈ નકલી છે તે ઓળખવું મુશ્કેલ છે. જંકથી બનેલી આ કાર અસલી કારને પણ ટક્કર આપી રહી છે. આ વીડિયો જોઇને સૌ કોઇ આશ્ચર્યમાં પડી ગયા છે.
વીડિયો વાયરલ, અસલી કાર અને નકલી કાર વચ્ચે ઓળખ કરવી બની મુશ્કેલ
વાયરલ થઇ રહેલા આ વીડિયોમાં તમે જોઇ શકો છો કે કેટલાક યુવકોએ પોતાની ક્રિએટિવિટીનો ઉપયોગ માટી, પ્લાસ્ટિક અને ટીનથી કરી આલીશાન કાર બનાવી છે, જે બિલકુલ બુગાટી કાર જેવી જ દેખાય છે. આ કાર જોયા બાદ લોકો માટે રિયલ-ફેકમાં પણ તફાવત કરવો મુશ્કેલ બની રહ્યો છે. વીડિયોમાં તમે જોઈ શકો છો કે કેવી રીતે યુવકો કોઈ જગ્યાએથી માટી લાવીને તેનો ઉપયોગ ગાડીઓ બનાવવા માટે કરે છે. આ ઉપરાંત તેમણે પ્લાસ્ટિક અને ટીનનો પણ ઉપયોગ કર્યો છે. તેણે જંકમાં પડેલી કારનું એન્જિન ખેંચ્યું અને પછી ક્રિએટિવિટીનો એવો નમૂનો બતાવ્યો કે લોકો જોતા જ રહી ગયા. કાર જ્યારે રસ્તા પર ઉતરી તો લોકો આશ્ચર્યમાં પડી ગયા હતા.
