તમારા કામનું / શું તમે નથી જમાં કરાવી શક્યા 2000ની નોટ? હવે ફક્ત આ 19 શહેરોમાં બદલાવવાનો મળશે મોકો, જાણો ગુજરાતની કઈ જગ્યા

• હજુ પણ બે હજારની નોટ આ 19 શહેરોમાં બદલાવી શકશો
• RBIની પ્રાદેશિક ઓફિસમાં જઈને નોટ બદલાવી શકશો
• 2000 રૂપિયાની નોટો હવે ભૂતકાળ બની જશે

2000 currency notes: નોટબંધી સમયે લોકોના હાથ સુધી પહોંચેલી 2000 રૂપિયાની નોટો હવે ભૂતકાળ બની જવાની તૈયારીમાં છે. રિઝર્વ બેંક ઓફ ઈન્ડિયા (RBI)એ લોકોને રૂપિયા 2000ની નોટો બેંકોમાંથી બદલવા માટે 7 ઓક્ટોબર સુધીનો સમય આપ્યો હતો. પરંતુ જો તમે હજુ પણ તમારી રૂપિયા 2000ની નોટો બદલી શક્યા નથી, તો ડરવાની જરૂર નથી. તમે હજુ પણ દેશના 19 શહેરોમાં રૂ. 2000ની નોટ બદલી શકો છો. જો કે સરકારે રૂપિયા 2000ની નોટો ચલણમાંથી બહાર કરી દીધી છે. તેમ છતાં તે હજુ પણ લીગલ ટેન્ડર છે. મતલબ કે કાનૂની રીતે રૂપિયા 2000ની નોટ હજુ પણ ગેરકાયદેસર બની નથી. આ નોટો હજુ પણ આરબીઆઈની પ્રાદેશિક કચેરીઓમાં બદલી શકાશે.

જૂના નિયમો માન્ય રહેશે
જો તમે આ 19 શહેરોમાં RBIની પ્રાદેશિક ઓફિસમાં રૂપિયા 2000ની નોટ બદલવા માંગો છો, તો જૂના નિયમો લાગુ થશે. તમે હજુ પણ એક સમયે રૂપિયા 2000ની માત્ર 10 નોટો એટલે કે રૂપિયા 20,000 સુધી બદલાવી શકશો. જો તમે રૂબરૂ જઈ શકતા નથી, તો તમે તમારી નોંટો ભારતીય પોસ્ટ દ્વારા RBIની પ્રાદેશિક કચેરીને મોકલી શકો છો. તમારે નોટો સાથે તમારી બેંક વિગતો મોકલવી પડશે જેથી નોટોની રકમ તમારા ખાતામાં જમા થઈ શકે.

19 શહેરોમાં 2000 રૂપિયાની નોટો બદલાવી શકાશે
દેશના 19 શહેરોમાં આરબીઆઈની પ્રાદેશિક કચેરીઓ આવેલી છે. લોકો અહીં જઈને તેમની રૂપિયા 2000ની નોટ બદલી શકે છે. જો તમે આ આ ઓફિસમાં જઈ તમારી નોટો બદલાવી શકો છો. આ સિવાય તમારી પાસે ભારતીય પોસ્ટ દ્વારા RBIને નોટો મોકલવાનો વિકલ્પ પણ છે.

• આ શહેરોની યાદી છે

અમદાવાદ
બેંગલુરુ
બેલાપુર
ભોપાલ
ભુવનેશ્વર
ચંડીગઢ
ચેન્નાઈ
ગુવાહાટી
હૈદરાબાદ
જયપુર
જમ્મુ
કાનપુર
કોલકાતા
લખનૌ
મુંબઈ
નાગપુર
નવી દિલ્હી
પટના
તિરુવનંતપુરમ