ક્રિકેટ / WTC ફાઇનલ પહેલા BCCIનું મોટું એલાન, આ શખ્સને આપી મોટી જવાબદારી, કામમાં 100 ટચનું છે સોનું

• 7 જૂનથી ટીમ ઈન્ડિયા રમશે WTC Final 2023
• BCCIએ મેચ પહેલા ટીમ ઈન્ડિયા માટે લીધો મોટો નિર્ણય
• અનિલ પટેલને ટીમ ઈન્ડિયાનાં નવા મેનેજર તરીકે કર્યાં પસંદ

ભારતીય ક્રિકેટ ટીમ સતત બીજી વખત WTC વર્લ્ડ ટેસ્ટ ચેંપિયનશિપ ફાઈનલ રમવા માટે તૈયાર છે. ટીમ ઈન્ડિયા આ વખતે ચેમ્પિયન બનવા માટે તૈયારીઓ કરી રહી છે. ભારત અને ઓસ્ટ્રેલિયાની ટીમ 7 જૂનથી ઓવલમાં ફાઈનલ્સ રમશે. આ મેચ પહેલા BCCIએ મોટું એલાન કર્યું છે. ભારતે ટીમ ઈન્ડિયાનાં મેનેજરની નિમણૂક કરી છે જેમનો સક્સેસ રેટ 100% છે. તેમનું નામ છે અનિલ પટેલ.

BCCIએ પસંદ કર્યાં નવા મેનેજર
BCCIએ WTC ફાઈનલ 2023 માટે અનીલ પટેલને ટીમ ઈન્ડિયાનાં મેનેજર તરીકે પસંદ કર્યાં છે.  અનિલ પટેલ ગુજરાત ક્રિકેટ સંઘનાં સચિવ છે. તે પહેલાં પણ ટીમ ઈન્ડિયાનાં મેનેજપ રહી ચૂક્યાં છે. વર્ષ 2017,2018 અને 2019માં પટેલ ભારતીય ટીમનાં મેનેજર રહ્યાં છે. અનિલ પટેલનાં મેનેજર પદ પર રહેતાં ટીમ ઈન્ડિયાએ કુલ 9 સીરીઝ રમી છે અને તમામમાં ધમાકેદાર બાજી મારી છે. એટલે કે પટેલનો સક્સેસ રેટ 100% છે.

ભારતે 10 ટેસ્ટ જીતી
ટીમ ઈન્ડિયામાં શામેલ તમામ ખેલાડીઓ 29 મે સુધી ઈંગ્લેન્ડ પહોંચી જશે. હાલમાં ખેલાડીઓ IPLમાં વ્યસ્ત છે. ભારત 18 મેચ રમ્યાં બાદ ફાઈનલ માટે ક્વોલીફાઈ થઈ છે. ટીમ ઈન્ડિયાએ આ દરમિયાન 10 ટેસ્ટ જીતી છે. જો કે 5માં હાર પણ મળી અને 3 ડ્રો રહી. ભારતીય ટીમને છેલ્લી ફાઈનલમાં ન્યૂઝીલેન્ડથી હાર મળી હતી