ચેતવણી / હિલેરીનું હાઇઍલર્ટ: અમેરિકા પર 84 વર્ષના સૌથી ભયાનક વાવાઝોડાનો ખતરો, આ 3 રાજયોમાં મચાવી શકે છે તબાહી

• અમેરિકામાં કહેર મચાવશે 'હિલેરી'
• હિલેરી ચક્રવાતને લઇ હાઇએલર્ટ
• 3 રાજ્યોમાં ટકરાશે હિલેરી ચક્રવાત

અમેરિકાના ત્રણ રાજ્યો વિનાશના આરે છે. ભયંકર વાવાઝોડું આવવાનું છે. કે આખું શહેર પાણીમાં ડૂબી જશે.  હિલેરી વાવાઝોડાનાં કારણે કેલિફોર્નિયામાં માત્ર થોડા કલાકોમાં એક વર્ષનો વરસાદ પડી શકે છે.  અહીં હવામાન વિભાગ દ્વારા ગંભીર ચેતવણી જાહેર કરવામાં આવી છે. ચક્રવાત શહેરમાં પૂર, ભૂસ્ખલન પણ લાવી શકે છે. કેલિફોર્નિયા, નેવાડા અને એરિઝોનામાં નુકશાનની સંભાવના છે.  દક્ષિણ કેલિફોર્નિયામાં વાવાઝોડાને લઈ ચેતવણી જાહેર કરવામાં આવી છે. 
એક વર્ષ જેટલો વરસાદ થોડા કલાકોમાં પડી શકે છે
હિલેરી ઝડપથી તેનો આકાર બદલી રહ્યું છે.  શુક્રવાર સુધીમાં જ્યારે ચક્રવાત મેક્સિકોના બાજા અને કેલિફોર્નિયાના દરિયાકાંઠે પહોંચશે. ત્યારે તે તેની તીવ્રતા જાળવી શકે છે અને આ જ કારણ છે કે અહીં તબાહીની શક્યતાઓ વધુ છે. ચક્રવાત કેલિફોર્નિયા સુધી પહોંચવાની શક્યતા છે. જ્યાં એક વર્ષ જેટલો વરસાદ માત્ર થોડા કલાકોમાં પડી શકે છે.  જેના કારણે શહેરમાં પૂરનો ભય છે.
84 વર્ષ પહેલા કેલિફોર્નિયામાં ભયંકર તોફાન આવ્યું હતું
નેશનલ વેધર સર્વિસ મુજબ સધર્ન કેલિફોર્નિયામાં સપ્ટેમ્બર 1939 પછી કોઈ ગંભીર તોફાન આવ્યું નથી.  હિલેરીના ખતરા વચ્ચે જાનમાલનું ભારે નુકસાન થવાની સંભાવના છે. હિલેરીએ બંદરીય શહેર એન્સેનાડાથી લગભગ 330 કિમી દક્ષિણમાં બાજા ટાપુ પર રવિવારે ભૂસ્ખલનની ચેતવણી આપી છે.  તિજુઆનામાં ભારે વરસાદ પડવાની સંભાવના છે. પહાડી વિસ્તાર હોવાને કારણે અહીં ભૂસ્ખલન અને પૂરનો ભય રહેલો છે.  ચક્રવાત હિલેરી સોમવાર સુધીમાં ગંભીર સ્વરૂપ ધારણ કરી શકે છે. તેમજ શુક્રવારથી અહીં વરસાદની આગાહી છે.