- સુરતમાં વધુ એક હત્યાનો બનાવ
- કિમ ગામે પરિણીત મહિલાની હત્યા
- પતિએ જ પત્નીની હત્યા કરી હોવાની આશંકા
સુરતમાં વધતી જતી ગુનાખોરી હવે એક ચિંતાનો પ્રશ્ન બની ગયો છે. અહીયા હત્યાના બનાવો અટકવાનું નામજ નથી લઈ રહ્યા ત્યારે વધુમાં ફરી એક હત્યાનો બનાવ સુરતમાં સામે આવ્યો છે. જેમા સુરતના કિમ ગામે એક પરિણીત મહિલાની હત્યા થઈ છે. જેમના કારણે આસપાસના વિસ્તારમાં ચકચાર મચી જવા પામી છે.
બંધ ઘરમાંથી મળી મહિલાની લાશ
મૃતક મહિલા સુરતના કિમ ગામે આવેલ પંચવટી સોસાયટીમાં રહેતી હતી. અને બંધ ઘરમાંથી તેની લાશ મળી આવી છે. જેના કારણે ઘણા ગંભીર સવાલો ઉઠ્યા છે. એવી આશંકા સેવાઈ રહી છે કે મહિલાના પતિએજ તેની હત્યા કરી છે અને હત્યાને અંજામ આપીને પતિ ફરાર થઈ ગયો છે. જેથી પોલીસે તે દિશામાં તપાસ આરંભી છે.
પોલીસે કાયદેસરની કાર્યવાહી હાથ ધરી
મહિલાની લાશ તેના ઘરમાંથી તો મળી આવી પરંતું તેના ઘરને તાળું મારેલું હતું જેથી પતિએ હત્યા કર્યા બાદ મહિલાના ઘરે તાળું માર્યું અને ફરાર થઈ ગયો તેવી આશંકા સેવાઈ રહી છે. સ્ગર મામલે પરિણીતાના પિતા દ્વારા ગંભીર આક્ષેપો કરવામાં આવ્યા છે. જેના આધારે કિમ પોલીસ દ્વારા તપાસ હાથ ધરવામાં આવી છે.
ગઈકાલે પણ સુરતમાં હત્યાનો બનાવ સામે આવ્યો હતો
ઉલ્લેખનીય છે કે સુરતમાં વધતા જતા હત્યાના બનાવો હવે એક ચિંતાનો પ્રશ્ન બન્યો છે. ગઈકાલે પણ સુરતમાં એક હત્યાનો બનાવ બન્યો હતો. જેમા ગૃહ રાજ્ય મંત્રી હર્ષ સંઘવીના કૌટુંબિક કાકાની નીજીવી બાબતે હત્યા કરવામાં આવી હતી. જેથી આ મામલે શહેરમાં હડકંપ મચી ઉઠ્યો હતો. જોકે વધતા જતા હત્યાના બનાવોને લઈને હવે સુરત પોલીસ પણ એકશન મોડમાં આવી ગઈ છે અને આરોપીઓને ઝડપીને જેલભેગા કરી રહી છે.
