ટેક્નોલોજી માત્ર જીવનને સરળ નથી બનાવતી પરંતુ સંબંધોની વાસ્તવિકતા પણ તમારી સામે લાવે છે. વાત કરીએ એક એક એવી મહિલાની જેની નજર તેના પતિની ફિટનેસ વોચ પર પડી, આમાં તેણે કંઈક એવું જોયું જેણે તેના જીવનમાં એક જ ક્ષણમાં ઉથલપાથલ મચાવી દીધી. તેને ખબર પડી કે તેનો પતિ છેતરપિંડી કરી રહ્યો છે. મેગન મેકગી નામની આ મહિલાનું કહેવું છે કે પાર્ટનર સાથે સંબંધિત આ પ્રકારનું સત્ય બહાર આવવું ખૂબ જ ડરામણું છે .. ચાલો જોઇએ શું હતી સમગ્ર ઘટના
મહિલાનો પાર્ટનર રનિંગ ટ્રેકરનો ઉપયોગ કરે છે
મેગન નામની આ મહિલાનો પાર્ટનર રનિંગ ટ્રેકરનો ઉપયોગ કરે છે. પરંતુ તેના ડેટા પરથી મેગનને તેના પતિની બેવફાઈ વિશે ખબર પડી. તેણે આ માહિતી સોશિયલ મીડિયા પ્લેટફોર્મ TikTok પર આપી છે. અહીં તેણે જણાવ્યું કે તેના પતિ, જેઓ આર્મીમાં કામ કરે છે, હંમેશા દોડતી વખતે એક જ જગ્યાએ પહોંચી અટકી જાય છે અને દોડતી વખતે ખાસ તે જ્યારે તેની મહિલા સહકર્મીના ઘર પાસેથી પસાર થાય છે ત્યારે તે આવું કરે છે. આ એ જ મહિલા છે જે ફરજ પર અનેક વખત તેની સાથે તૈનાત રહી છે. . ત્યારે જ મેગનને ખ્યાલ આવ્યો કે તેને તેના પતિ અને તેમની મહિલા સહકર્મીને લઇને કેમ કંઇંક અજુગતુ લાગતું હતું.
સહકર્મી મહિલા તેના ઘરથી લગભગ અડધો માઈલ દૂર રહે છે
મેગનનું કહેવું છે કે આ મહિલા તેના ઘરથી લગભગ અડધો માઈલ દૂર રહે છે. તેણીને ખબર પડી કે તેના પતિની દોડ તેના ઘરથી શરૂ થાય છે અને તેના ઘરે સમાપ્ત થાય છે. જો કે, આ સાબિત કરતું ન હતું કે પતિનું અફેર છે. પરંતુ આનાથી ચોક્કસપણે મેગનને તેના પર શંકા થઈ. તે કહે છે કે હવે તેને ખબર પડી ગઇ છે કે તેના પતિનું તેની સાથે અફેર છે...આટલી જાણકારી લગ્ન જીવનને ખતમ કરવા પૂરતી હતી. તેણે વીડિયોમાં તેના પતિને તેનો પૂર્વ પતિ કહ્યો હતો. તેમની પોસ્ટ પર ટિપ્પણી કરતા કેટલાક લોકોએ કહ્યું કે હવે ફિટનેસ ટ્રેકર્સ પર પણ પ્રાઈવસી લાદવી પડશે. તો કેટલાક લોકોએ આવી અજીબોગરીબ પદ્ધતિઓ વિશે વાત કરવાનું શરૂ કર્યું જેના દ્વારા તેઓએ તેમના પાર્ટનરને છેતરતા પકડ્યા છે.
