ધર્મ / ભગવાન ગણેશને શા કારણે ચડાવવામાં આવે છે દુર્વા? જાણો આ પ્રાચીન કથા

• ગણેશજીને અતિપ્રિય છે જાસૂદ 
• કેમ ચડાવાય છે દુર્વા ભગવાનને 
• પ્રાચીન કથા સંકળાયેલી છે 

શું છે કથા
પ્રાચીન સમયમાં અસુરોને કારણે ધરતી જ નહી સ્વર્ગવાસીઓ પણ હેરાન થઇ ગયા હતા. અનલાસુપ નામનો અસુર બધા જ પ્રાણીઓને જીવતા જ ગળી જતો હતો. આ દાનવથી ત્રસ્ત થઇને દેવતાઓ મહાદેવની શરણમાં ગયા અને પ્રાર્થના કરી કે આ દાનવથી બચાવે. 

મહાદેવે બધાની પ્રાર્થના સાંભળીને કહ્યું કે,  શ્રીગણેશ જ અનલાસુરનો નાશ કરી શકે છે. ત્યારે ગણપતિ પાસે જઇને દેવતાઓએ આજીજી કરી ત્યારે ગણેશજીએ કહ્યું કે તે આતંકથી બધાને મુક્ત કરાવશે. 

ગણેશજી અનલાસુરને ગળી ગયા અને બાદમાં તેમના પેટમાં ખુબ બળતરા થવા લાગી, ઘણા ઉપાય છતાં તેમના પેટની બળતરા શાંત ન થઇ ત્યારે કશ્યપ ઋષિએ દુર્વાની 21 ગાંઠો બનાવીને તેમને ખાવા આપી. દુર્વા ખાધા બાદ ગણેશજીના પેટની બળતરા શાંત થઇ. માનવામાં આવે છે કે ત્યારથી જ ગણેશજીને દુર્વા ચડાવવાની પરંપરા આરંભ થઇ,. 

આ બાબતોનું રાખો ધ્યાન

• દુર્વાના પત્તા ચડાવો ત્યારે 3,5,7 તે રીતે જ અર્પિત કરવા
• દુર્વા હંમેશા મૂળ સાથે જ અર્પિત કરો પરંતુ તેને ધોઇ લો બાદમાં તે તેને ગણેશજીને ચડાવો
• ગણેશજીને દુર્વા સાથે ઘણી વનસ્પતિઓ ચડાવવામાં આવે છે, તેમાં તુલસી સામેલ નથી થતી. 
• ભગવાન ગણેશને જાસૂદનુ ફૂલ અને અન્ય લાલ રંગના ફૂલ અતિપ્રિય છે. આ ફૂલ ચડાવવાથી મનોકામના જલ્દી પૂરી થશે. 
• ગણપતિનો વર્ણ લાલ છે માટે તેમની પૂજામાં લાલ વસ્ત્રો, લાલ ફૂલ અને રક્ત ચંદનનો પ્રયોગ કરવો.