સામાન્ય માણસની એ અપેક્ષા હોય કે તે જે વસ્તુ કે સુવિધા માટે કિંમત ચુકવે છે તે સુવિધા કે તેવી જ ક્વોલિટીની વસ્તુ તેને મળવી જોઈએ. આવું જ કંઈક આપણે નેશનલ હાઈ-વેના સંદર્ભમાં કહી શકીએ. સરકાર રોડ ઉપર વાહન હંકારવા માટેના મેઈન્ટેનન્સના ભાગરૂપે ટોલટેક્સ વસૂલે છે જેમાં દર વર્ષે લગભગ વધારો જ થાય છે પરંતુ તેના બદલામાં આપણને સુવિધાજનક હાઈ-વે મળે છે ખરા?. આ સવાલનો જવાબ આપણે જાતને પૂછીએ તો કદાચ ના આવશે. આપણી વાતને વધુ દ્રઢ બનાવે છે નેશનલ હાઈ-વે ઉપર ખાડાને કારણે સતત બનતી અકસ્માતની ઘટના. ટોલટેક્સ બેફામ રીતે વસૂલવામાં આવે છે.
એવો નિયમ પણ છે કે હાઈ-વે નિર્માણનો ખર્ચ નિકળી ગયા પછી ટોલટેક્સ ઓછો કરવા અને ક્રમેશ: બંધ કરવા વિચારણાં કરવી પરંતુ એવું થતું નથી.. કોઈ-કોઈ જગ્યાએ સ્થાનિકો મોટાપાયે વિરોધ કરે તો સરકાર ટોલટેક્સ ઘટાડવાનું અથવા તો ટોલનાકુ બંધ કરવા સુધીનો વિચાર કરે છે. ગુજરાતમાં જ વિરોધાભાસ જોવા મળે છે કે જ્યાં એક હાઈ-વેનું કામ ડેડલાઈન પૂર્ણ થઈ ગઈ છતા ચાલુ છે તો એક હાઈ-વે એવો છે કે જ્યાં 30 કિલોમીટર પ્રતિ કલાકની સ્પીડથી વધુ વાહન ચાલી જ નથી શક્તું, કદાચ આપણને એમ થાય કે આના કરતા તો શેરીનો રસ્તો હોય ત્યાં વાહન વધુ ઝડપે ચાલી જાય. સવાલ એ છે કે નાગરિકો જો ટોલ ટેક્સ ભરે છે તો તેને સારા રસ્તા કેમ નથી મળતા. હાઈ-વે ઉપર ખાડાને કારણે જીવલેણ અકસ્માતો થાય તો તેમા જવાબદારી કોની નક્કી થવી જોઈએ. ચોમાસામાં રસ્તા બેસી જાય એવા નબળી ગુણવત્તાના હાઈ-વે આપણા શું કામના.. કડવા સવાલો અનેક છે જેના જવાબ મેળવીશું આજના મહામંથનમાં
- નાગરિકો ટોલટેક્સ ભરે છે છતા નબળી ગુણવત્તાના રસ્તા
- સામાન્ય રસ્તા તો ઠીક નેશનલ હાઈ-વેની પણ ખરાબ હાલત
- નેશનલ હાઈ-વે ઉપર અનેક સ્થળે ખાડાવાળા રસ્તા
- નક્કી ન થઈ શકે કે રસ્તામાં ખાડા છે કે ખાડામાં રસ્તો
નાગરિકો ટોલટેક્સ ભરે છે છતા નબળી ગુણવત્તાના રસ્તા છે. સામાન્ય રસ્તા તો ઠીક નેશનલ હાઈ-વેની પણ ખરાબ હાલત છે. નેશનલ હાઈ-વે ઉપર અનેક સ્થળે ખાડાવાળા રસ્તા નક્કી ન થઈ શકે કે રસ્તામાં ખાડા છે કે ખાડામાં રસ્તો છે. લોકો ટોલટેક્સ ભરે છે જેના બદલામાં તે સારા રોડ મેળવવાના હકદાર છે. હાઈ-વેના રસ્તાઓનું રિપેરિંગ કરતી એજન્સી પણ હાથ ખંખેરી નાંખે છે. ખાડાઓને કારણે અકસ્માત થયા હોય તેવા અનેક બનાવ બને છે. ખાડાને કારણે અકસ્માતથી માનવમૃત્યુ પણ વધ્યા છે.
- વાપી પાસે નેશનલ હાઈ-વે ઉપર ખાડાઓનું સામ્રાજ્ય
- એક બાઈકચાલક હાઈ-વે ઉપર જઈ રહ્યો હતો
- બાઈક અચાનક ખાડામાં પટકાયું અને બાઈકચાલકે કાબૂ ગુમાવ્યો
વાપી પાસે નેશનલ હાઈ-વે પર શું બન્યું?
વાપી પાસે નેશનલ હાઈ-વે ઉપર ખાડાઓનું સામ્રાજ્ય છે. એક બાઈકચાલક હાઈ-વે ઉપર જઈ રહ્યો હતો. બાઈક અચાનક ખાડામાં પટકાયું અને બાઈકચાલકે કાબૂ ગુમાવતા બાઈકચાલક નીચે પટકાયો. બાઈકચાલક પટકાયો ત્યાં જ પૂરઝડપે ટ્રક આવી રહ્યો હતો. જો કે બાઈકચાલક દૂર ખસી ગયો હતો અને ટ્રકચાલકે પણ ટ્રક ધીમી પાડી. જો થોડી પણ ચૂક થઈ હોત તો બાઈકચાલક ટ્રક નીચે આવી ગયો હોત. ખાડાની ઠોકર એ હદે લાગી કે બાઈકચાલક નીચે પટકાઈ ગયો. બાઈકચાલકે કહ્યું કે હાઈ-વે પર આવા બનાવ છાશવારે બને છે.
- શાંતિપુરા બ્રિજની નીચે ડાન્સિંગ રોડ જેવો ઘાટ
- શાહપુર પાસે શંકર ભુવનનો રોડ બેસી ગયો
- નેશનલ હાઈ-વે નંબર 8 પાસે ખાડા જ ખાડા
- ઘોડાસર પાસે બ્રિજના કામકાજથી અનેક સ્થળે ખાડા પડ્યા
અમદાવાદમાં પણ ખરાબ સ્થિતિ
શાંતિપુરા બ્રિજની નીચે ડાન્સિંગ રોડ જેવો ઘાટ છે. શાહપુર પાસે શંકર ભુવનનો રોડ બેસી ગયો હતો. નેશનલ હાઈ-વે નંબર 8 પાસે ખાડા જ ખાડા છે. ઘોડાસર પાસે બ્રિજના કામકાજથી અનેક સ્થળે ખાડા પડ્યા છે.
