- સ્વિંગ નો સુલતાન કહેવાતા બોલર ટીમ ઇન્ડિયામાંથી બહાર ચાલી રહ્યા છે.
- ભુવનેશ્વર કુમારે ભારત માટે છેલ્લે વર્ષ 2018માં ટેસ્ટ મેચ રમી હતી.
- ભુવનેશ્વર કુમારે ભારત માટે અત્યાર સુધી 21 ટેસ્ટ મેચ રમી છે.
ભારત અને ઈંગ્લેન્ડ ટેસ્ટ સીરિઝની પહેલી બે મેચોમાં ફક્ત જસપ્રીત બુમરાહ જે એક એવા બોલર છે જેની સામે ઈંગ્લેન્ડના બેટ્સમેન રણ બનાવી શક્યા નહતા. પહેલા મેચ દરમિયાન મોહમ્મદ સિરાજ હોય કે બીજા મેચ દરમિયાન મુકેશ કુમાર બંને બોલર સ્ટ્રગલ કરતાં નજર આવ્યા હતા. આ પરિસ્થિતિ એ જણાવે છે કે ટીમ ઈન્ડિયાને મોહમ્મદ શમી જેવા ફાસ્ટ બોલરની ખામી વર્તાઇ રહી છે.
આજે અમે તમને એક એવા બોલર વિશે જણાવવા જઈ રહ્યા છીએ જે હાલ ટીમ ઈન્ડિયાનો હિસ્સો નથી, પરંતુ એક સમયે તેને સ્વિંગ નો સુલતાન પણ કહેવામાં આવતો હતો. અમે વાત કરી રહ્યા છીએ ફાસ્ટ બોલર ભુવનેશ્વર કુમારની જે છેલ્લા થોડા સમયથી ટીમ ઇન્ડિયામાંથી બહાર ચાલી રહ્યા છે.
34 વર્ષના ફાસ્ટ બોલર ભુવનેશ્વર કુમારનો આજે જન્મદિવસ છે. ભુવનેશ્વર કુમારનો જન્મ 5 ફેબ્રુઆરી 1990ના રોજ મેરઠમાં પોલીસ અધિકારી કિરણ પાલ સિંહને ત્યાં થયો હતો. તેની બહેને તેને ક્રિકેટ રમવા માટે પ્રોત્સાહિત કર્યો અને જ્યારે તે 13 વર્ષનો હતો ત્યારે તેને તેના પ્રથમ કોચિંગ સેન્ટરમાં લઈ ગયા. જો કે હાલમાં તે ભારતીય ટીમની બહાર છે પરંતુ હજુ સનરાઇઝર્સ હૈદરાબાદ IPL 2024માં ટીમનો ભાગ છે.
ભુવનેશ્વર કુમારે ભારત માટે છેલ્લે વર્ષ 2018માં ટેસ્ટ મેચ રમી હતી, જ્યારે છેલ્લી આંતરરાષ્ટ્રીય મેચ વર્ષ 2022માં રમી હતી. આ પછી ભુવનેશ્વર કુમાર ઈજાગ્રસ્ત થઈ ગયો અને હવે તે થોડા સમય પહેલા જ મેદાનમાં પાછો ફર્યો છે, પરંતુ તેના માટે ટીમ ઈન્ડિયામાં વાપસી કરવી મુશ્કેલ લાગી રહી છે. ભુવનેશ્વર કુમારની વિશેષતા શરૂઆતની ઓવરોમાં બોલને સ્વિંગ કરાવવાની અને ઓછા રન આપીને વિરોધી ટીમને પ્રારંભિક ફટકો આપવાની હતી.
વધુ વાંચો: IND vs ENG: 'આ 2 ભારતીય બેટ્સમેન વિશ્વ વર્લ્ડ ક્રિકેટ પર રાજ કરશે', સેહવાગે કરી મોટી ભવિષ્યવાણી
જણાવી દઈએ કે ભુવનેશ્વર કુમારે ભારત માટે અત્યાર સુધી 21 ટેસ્ટ મેચ રમી છે. આ દરમિયાન 63 વિકેટ લીધી છે અને 121 ODI મેચમાં 141 વિકેટ લીધી છે. ભુવનેશ્વરે ટીમ ઈન્ડિયા માટે 87 T20 મેચમાં 90 વિકેટ લીધી છે. આજે BCCIએ ભુવનેશ્વર કુમારને તેના 34માં જન્મદિવસની શુભેચ્છા પાઠવી છે.
