નારાજગી / અમે માલદીવના બુકિંગ નહીં લઇએ', ગુજરાતના આ ટ્રાવેલ એજન્ટ એસોસિએશને લીધો મોટો નિર્ણય, જુઓ શું કહ્યું

• મોરબી ટ્રાવેલ એસો. દ્વારા કરાયો નિર્ણય
• સોશિયલ મીડિયામાં ભારતીયોનો ગુસ્સો ફાટી નિકળ્યો
• બંને દેશ વચ્ચે સબંધ સુધરશે નહી ત્યાં સુધી બુકીંગ નહી કરીએ

બોયકોટ  માલદીવને મોરબી ટ્રાવેલ એજન્ટ્સ એસોસિયેશન દ્વારા પણ સમર્થન આપવામાં આવ્યું છે. માલદીવના નેતાઓ દ્વારા વિવાદિત ટિપ્પણી બાદ ભારતભરમાં વિરોધ જોવા મળી રહ્યો છે. ત્યારે મોરબી ટ્રાવેલ એજન્ટ દ્વારા માલદીવના બુકિંગ ન કરવાનો નિર્ણય કરવામાં આવ્યો છે. ઉલ્લેખનીય છે કે PM મોદીએ શેર કરેલા લક્ષદ્વીપના ફોટો બાદ માલદિવના મંત્રીઓ દ્વારા વિવાદિત ટિપ્પણી કરવામાં આવી હતી. જેને લઈને સોશિયલ મીડિયામાં ભારતીયોનો ગુસ્સો ફાટી નિકળ્યો હતો. અને બોયકોટ માલદીવ ટ્રેન્ડ થવા લાગ્યું.

3 મંત્રીઓએ ભારત તેમજ આપણા વડાપ્રધાન નરેન્દ્ર મોદી વિશે ખરાબ ટિપ્પણી કરી હતી
થોડા દિવસો પહેલા માલદીવમાં સરકાર બદલાયેલ છે. થોડા દિવસો પહેલા આપણા વડાપ્રધાન નરેન્દ્ર મોદી લક્ષદ્વિપની મુલાકાતે ગયા હતા. અને ત્યાંના ફોટા સોશીયલ મીડિયામાં મુક્યા હતા. આ બાબત માલદીવના અમુક રાજનેતા અને સરકારના પદાધિકારીઓને ગમી ન હતી. જેથી ત્યાંના 3 મંત્રીઓએ ભારત તેમજ આપણા વડાપ્રધાન નરેન્દ્ર મોદી વિશે ખરાબ ટિપ્પણી કરી હતી. એક મંત્રીએ તો સોશિયલ મીડિયામાં એક ફોટો મુકી ને ભારત તેમજ ભારતના નાગરિકોની ખરાબ મજાક કરેલી છે. ભારતને ખરાબ ચિતરવાની બાબતોનો મોરબી ટ્રાવેલ એજન્ટ એસોસિએશનના દરેક સભ્યો વિરોધ કરે છે. ગઈકાલથી સોશિયલ મીડિયામાં #BoycottMaldives ખુબ જ ટ્રેન્ડ કરી રહ્યું છે. આ અભિયાનને આગળ વધારતા મોરબી ટ્રાવેલ એજન્ટ એસોસિએશનના દરેક એજન્ટ તરફથી નિર્ણય લેવામાં આવ્યો છે કે દરેક એજન્ટો માલદિવનુ બુકિંગ નહિ કરે.

વધુ વાંચોઃ મુંબઈ-અમદાવાદ બુલેટ ટ્રેન માટે 100% જમીન સંપાદન પૂર્ણ, જાણો કેટલે પહોંચ્યું કામ અને શું છે પ્રોજેક્ટની વિશિષ્ટતાઓ?

બંને દેશ વચ્ચેનાં ડિપ્લોમેટ સબંધો સારા નહી થઈ જાય ત્યાં સુધી અમે બુકીંગ નહી કરીએઃ જીગ્નેશભાઈ અઘારા (પ્રમુખ, મોરબી ટ્રાવેલ એજન્ટ એસો.)
આ બાબતે મોરબી ટ્રાવેલ એજન્ટ એસોસિએશનનાં પ્રમુખ જીગ્નેશભાઈ અઘારાએ જણાવ્યું હતું કે, મોરબી ટ્રાવેલ્સ એસોસિયેશનનાં દરેક એજન્ટ મિત્રોએ સાથે મળીને નક્કી કર્યું છે કે, ઈન્ડિયા અને માલદીવ વચ્ચે જે વિવાદ થયો છે. એનાં હિસાબે આખા ભારતમાં બાયકોટ માલદીવનું જે અભિયાન ચલાવવામાં આવી રહ્યું છે.એ અભિયાન અંતર્ગત અમે મોરબી ટ્રાવેલ એસોસિયેશનનાં દરેક એજન્ટ મિત્રો  જે જૂના બુકીંગ છે માલદીવનાં અને હવેથી કોઈ પણ બુકીંગ માલદીવનાં બુકીંગ કે ટિકીટ નહી કરીએ. બંને દેશ વચ્ચેનાં ડિપ્લોમેટ સબંધો સારા નહી થઈ જાય ત્યાં સુધી અમે બુકીંગ નહી કરીએ.