ખેલાડી ભાવુક / VIDEO: ઘૂંટણીયે બેસીને રડતો દેખાયો પોપ્યુલર ક્રિકેટર, ઝીમ્બાબ્વે સામે હાર બાદ પાકિસ્તાની ટીમ આઘાતમાં

• ઝીમ્બાબ્વે સામે હાર્યા બાદ પાકિસ્તાન ટીમ ગમમાં ડૂબી
• પાક. ટીમના વાઈસ કેપ્ટન શાદાબ ખાન હાર્યા બાદ માનસિક રીતે તૂટી ગયા
• શાદાબ ખાનનો એક વીડિયો થઇ રહ્યો છે વાયરલ

પાકિસ્તાન ટીમે માત્ર 129 રન બનાવ્યાં

પાકિસ્તાન ક્રિકેટ ટીમને ટી 20 વર્લ્ડ કપમાં તે જોવા મળ્યું, જે અંગે ટીમે ક્યારેય વિચાર્યુ પણ નહીં હોય. ઝીમ્બાબ્વે સામે પર્થમાં પાક. ટીમ 131 રનનો લક્ષ્ય પ્રાપ્ત ના કરી શકી. પાકિસ્તાન વિજયી થાય તેવુ લાગતુ હતુ. પહેલા બોલિંગ કરીને પાકિસ્તાન ટીમે ઝીમ્બાબ્વેને 130 રન પર અટકાવી દીધી. પરંતુ ત્યારબાદ ઝીમ્બાબ્વેની સામે તેના બેટર 20 ઓવર રમીને માત્ર 129 રન બનાવી શક્યા.  

રડી પડ્યા શાદાબ ખાન 

પાકિસ્તાનને મળેલી આ કારમી હાર પર કોઈને વિશ્વાસ થતો નથી. ટીમના વાઈસ કેપ્ટન અને ઓલરાઉન્ડર શાદાબ ખાન હાર્યા બાદ માનસિક રીતે તૂટી ગયા. તેઓ સ્ટેડિયમમાં ઘૂંટણિયે બેસીને રડી પડ્યા. ત્યારબાદ ટીમના સપોર્ટ સ્ટાફે તેમને સમજાવીને અંદર મોકલ્યા. આ વીડિયો સોશિયલ મીડિયામાં ઝડપથી વાયરલ થઇ રહ્યો છે. 

Cricket have always been cruel to 😔@76Shadabkhan #PakVsZimbabwe #shadab #shadabkhan #T20WorldCup pic.twitter.com/DQAFSYKawm

— Wadha🌸 (@Wadhanuzair) October 28, 2022

બોલિંગ-બેટીંગ બંનેથી આપ્યું યોગદાન 

શાદાબ ખાને ઝીમ્બાબ્વે સામે બોલિંગ અને બેટીંગ બંનેથી મહત્વનુ યોગદાન આપ્યું હતુ. તેમણે પ્રથમ બોલિંગમાં ત્રણ મહત્વપૂર્ણ વિકેટ લીધી. ઝીમ્બાબ્વે ટીમ મોટા સ્કોર તરફ વધી રહી હતી. પરંતુ 14મી ઓવરમાં શાદાબે સતત બે બોલમાં પહેલા સીન વિલિયમ્સ અને પછી ચકાબ્વાને આઉટ કર્યા. વિલિયમ્સે મેચમાં ઝીમ્બાબ્વે માટે સૌથી મોટી ઈનિંગ રમી હતી. બેટીંગમાં શાદાબે 14 બોલમાં 17 રનનુ યોગદાન આપ્યું. ચોથી વિકેટ માટે તેમણે શાન મસૂદની સાથે અર્ધસદી ભાગીદારી બનાવી હતી.