- હચમચાવી દેશે આ વીડિયો
- વાયરલ થયો રૂવાડા ઉભા કરી દે તેવો વીડિયો
- ઓટોમેટિક કારે પોતાના જ માલિકને કચડી નાખ્યો
આજકાલ આખી દુનિયા ટેક્નોલોજી તરફ દોડી રહી છે. લોકોને બધી જ ઓટોમેટિક વસ્તુઓ જોઈએ છે. જેથી વધારે મહેનત કર્યા વિના તેમનું કામ સરળ થઈ જાય. એટલા માટે કંપનીઓ પણ ઓટોમેટિક કાર બનાવી રહી છે. જેથી લોકોને વધારે તકલીફ ન પડે.
જો કે આજકાલ 'ડ્રાઈવરલેસ' કાર બનાવવા પર વધુ ધ્યાન આપવામાં આવી રહ્યું છે. પરંતુ છેલ્લે તો આ મશીનો છે. જે કોઈપણ સમયે દગો આપી શકે છે. આને લગતો એક વીડિયો આજકાલ સોશિયલ મીડિયા પર વાઈરલ થઈ રહ્યો છે. જેને જોઈને તમારા રૂવાડા ઉભા થઈ જશે અને ઓટોમેટિક વાહનો લેતા પહેલા વિચારશો.
કારે પોતાના જ માલિકને કચડી નાખ્યો
હકીકતે આ વીડિયોમાં જોઈ શકાય છે કે એક ઓટોમેટિક કાર તેના માલિકને કચડી નાખે છે. વીડિયોમાં તમે જોઈ શકો છો કે એક કાર ઉભી છે. જેમાંથી તેનો માલિક નીચે ઉતરે છે અને વાહનનું બોનેટ ખોલીને ડ્રાઈવિંગ સીટ પર પાછો જાય છે.
આ પછી તે ફરીથી બોનેટ પાસે આવે છે અને કારના કેટલાક પાર્ટ્સને સ્પર્શ કરવાનો પ્રયાસ કરે છે. પછી કાર પોતાની જાતે જ આગળ વધવા લાગે છે અને એક જ ક્ષણમાં માલિકને ટક્કર મારતા તેને કચડી નાખે છે. કાર માલિકને સામેની દુકાનના શટરમાં ખરાબ રીતે દબાવી દે છે.
ત્યાં રહેલી મહિલા તેને બચાવવાનો પ્રયત્ન કરે છે
આ પછી ત્યાં હાજર એક મહિલા તેને બચાવવાનો પ્રયાસ કરે છે. ત્યારપછી 2-3 સેકન્ડમાં બીજી મહિલા તેના બાળક સાથે ત્યાં આવે છે અને તેણે ડ્રાઈવિંગ સીટ પર જઈને કારને રિવર્સ કરવાનો પ્રયાસ કર્યો. પરંતુ તે નિષ્ફળ જાય છે. ત્યાં સુધી કારનો માલિક ત્યાં જ ફસાયેલો રહે છે. તેઓ ખૂબ પ્રયાસ કરે છે, પરંતુ તેઓ વ્યક્તિને ત્યાંથી બહાર કાઢી શકતા નથી.
વીડિયો જોઈ લોકો આપી રહ્યા છે અલગ અલગ પ્રતિક્રિયા
રૂવાડા ઉભા કરી દે તોવો આ વીડિયો સોશિયલ મીડિયા પ્લેટફોર્મ ટ્વિટર પર @ragiing_bull નામના આઈડીથી શેર કરવામાં આવ્યો છે. એક મિનિટ 30 સેકન્ડના આ વીડિયોને અત્યાર સુધીમાં 4 લાખ 45 હજારથી વધુ વખત જોવામાં આવ્યો છે. જ્યારે 8 હજારથી વધુ લોકોએ વીડિયોને લાઈક પણ કર્યો છે અને વિવિધ પ્રતિક્રિયાઓ પણ આપી છે.
