- વિરાટ કોહલીની મજાક ઉડાવતા યુવરાજ સિંહે કહી આવી વાત
- ફૂટબોલને લઈને તેની વિરાટ કોહલી સાથે મોટી લડાઈ થતી રહે છે
- કોહલી તેના કરતા સારો બેટ્સમેન છે, પરંતુ ફૂટબોલમાં તે વધુ સારો છે
હાલના દિવસોમાં પોતાના નિવેદનોને કારણે ચર્ચામાં રહેનાર ટીમ ઈન્ડિયાના પૂર્વ ઓલરાઉન્ડર યુવરાજ સિંહે પૂર્વ કેપ્ટન મહેન્દ્ર સિંહ ધોની સાથેના સંબંધોને લઈને મોટું નિવેદન આપ્યું હતું. હવે તેણે વિરાટ કોહલી વિશે એક મોટી વાત કહી છે. વિરાટ કોહલીની મજાક ઉડાવતા યુવરાજ સિંહે કહ્યું છે કે તે પોતાને ક્રિસ્ટિયાનો રોનાલ્ડો માને છે, પરંતુ તે નથી.
વિરાટ કોહલી મારા કરતા સારો બેટ્સમેન છે પણ...
એ વાત તો જાણીતી છે કે યુવરાજ અને કોહલી બંને ભારત માટે એકસાથે રમ્યા છે. બંને 2011 વર્લ્ડ કપ વિજેતા ટીમનો ભાગ હતા, તેમજ IPLમાં રોયલ ચેલેન્જર્સ બેંગ્લોર (RCB) ટીમમાં કેટલીક સીઝન સાથે રમી હતી. હવે 2011 વર્લ્ડ કપ વિજેતા ઓલરાઉન્ડર યુવરાજ સિંહે ખુલાસો કર્યો હતો કે ફૂટબોલને લઈને તેની વિરાટ કોહલી સાથે મોટી લડાઈ થતી રહે છે. યુવરાજ સિંહે કહ્યું કે, વિરાટ કોહલી તેના કરતા સારો બેટ્સમેન છે, પરંતુ ફૂટબોલમાં તે પૂર્વ ભારતીય કેપ્ટન કરતા ઘણો સારો ખેલાડી છે.
જણાવી દઈએ કે, ટીમ ઈન્ડિયાનો બેટિંગ સુપરસ્ટાર કોહલી ફૂટબોલનો ઘણો મોટો ફેન છે અને તે ઘણીવાર ટીમ ઈન્ડિયાના ટ્રેનિંગ સેશનમાં અને ચેરિટી મેચોમાં પણ ફૂટબોલ રમતા જોવા મળે છે. વિરાટ કોહલી FC ગોવાના સહ-માલિક પણ છે, જે ઈન્ડિયન સુપર લીગ (ISL)માં ભાગ લે છે.
વિરાટ કોહલી પોતાને ક્રિસ્ટિયાનો રોનાલ્ડો માને છે
આ દરમિયાન, યુવરાજ સિંહે, પ્રખ્યાત યુટ્યુબર સાથેના તાજેતરના ઇન્ટરવ્યુમાં, ખુલાસો કર્યો કે ફૂટબોલ મેચો દરમિયાન તે ઘણીવાર કોહલી અને આશિષ નેહરા સાથે ઝઘડા કરતો હતો. ભૂતપૂર્વ ભારતીય ઓલરાઉન્ડરે કહ્યું કે વિરાટમાં ફૂટબોલ રમવાની કુશળતા છે અને તે પોતાને ક્રિસ્ટિયાનો રોનાલ્ડો માને છે. યુવરાજે વધુમાં કહ્યું કે તે કોહલી કરતા વધુ સારો ફૂટબોલર છે
ક્રિકેટમાં વિરાટ ક્રિસ્ટિયાનો રોનાલ્ડો છે : યુવરાજ સિંહ
યુવરાજ સિંહે ઈન્ટરવ્યુમાં કહ્યું, “ફૂટબોલમાં મારી અને વિરાટ વચ્ચે મોટી લડાઈ થાય છે. ફૂટબોલમાં નેહરા સાથે, વીરુ સાથે મારી મોટી લડાઈ છે,વિરાટ કોહલી માને છે કે તે ખૂબ જ સારો ફૂટબોલર છે. હા, તેની પાસે ફૂટબોલ રમવાની કુશળતા છે, પરંતુ મારી પાસે તેના કરતા વધુ છે. હું ખરાબ બેટ્સમેન હોઈશ પરંતુ હું વધુ સારો ફૂટબોલર છું. વિરાટ વિચારે છે કે તે ક્રિસ્ટિયાનો રોનાલ્ડો છે, પરંતુ તે નથી. હા પણ ક્રિકેટમાં વિરાટ ક્રિસ્ટિયાનો રોનાલ્ડો છે.
