OMG ! / ખરા છો તમે! લાડવામાંથી બનાવ્યો મિલ્કશેક, VIDEO જોતા જ બોલી ઉઠશો 'દયા કરો થોડી'

• મોતીચુર-બેસન લાડુનો શેક
• સોશિયલ મીડિયામાં વાયરલ થયો વીડિયો
• યુઝર્સ વીડિયો જોઇને ભડક્યા 

ફૂડ બ્લોગર્સ એટલા વધી ગયા છે કે દર બે દિવસે એવી એવી ખાવાની વસ્તુઓના વીડિયો સામે આવે કે જે જોઇને કાંતો મોઢામાંથી પાણી આવે કાં તો એમ થઇ જાય કે યાર, હદ છે, આવુ તે કંઇ હોતું હશે. ?  ત્યારે ફરી એકવાર એક એવો વીડિયો સામે આવ્યો છે જે જોઇને તમારે શું રિએક્ટ કરવુ એ ખબર જ નહી પડે. 

લાડુ સાથે અખતરો 

હાલમાં ફૂડના શોખીનો વધી ગયા છે. લોકો આજકાલ ફૂડ સાથે ભારે એક્સપરિમેન્ટ કરી રહ્યા છે જેના વીડિયો વાયરલ થઇ રહ્યા છે.. એવા એવા વીડિયો જોવા મળે છે કે મિસ મેચ થતી વાનગીઓ ભેગી કરીને ફૂડ બનાવે છે અને પાછા સોશિયલ મીડિયામાં અપલોડ પણ કરે.  ત્યારે વાત કરીએ મોતીચૂર લાડુ અને બેસનના લાડુની . આ લાડુ કોને ન ભાવે ? પરંતુ એક જણે તો લાડુમાંથી વિચિત્ર વાનગી બનાવી દીધી કે તમે જોઇને ગુસ્સે થયા વિના રહી જ નહી શકો.

મોતીચૂર-બેસનના લાડુનો શેક

ઈન્સ્ટા પર એક વીડિયો શેર કરવામાં આવ્યો છે. જેમાં એક વ્યક્તિ બેસનના લાડુ અને મોતીચૂરના લાડુને મિક્સરમાં નાખે છે. આ પછી, તે તેમાં દૂધ, ખાંડ અને આઇસક્રીમ નાખીને મિક્સમાં પીસે છે. અને પછી તૈયાર છે લાડુ મિલ્કશેક. આ વીડિયો જોઇને યુઝર્સ ગુસ્સે થઇ ગયા. સોશિયલ મીડિયામાં લોકો આ મિલ્કશેક બનાવનારને ખરીખોટી સંભળાવી રહ્યા છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Aiyushi Malhotra (@foodie_blest)

યુઝર્સનું લોહી ઉકળી ઉઠ્યું

સોશિયલ મીડિયામાં વીડિયો જોનારે તો ભારે કમેન્ટ કરી. એક એ તો લખી નાંખ્યુ છે સમોસા, પિઝા અને કચોરીનો પણ શેક બનાવી દો. તો અન્ય એક યુઝર્સે રડવાની ઇમોજી સાથે લખ્યુ કે ભગવાન ક્યારેય માફ નહી કરે.   એક યુઝરે લખ્યું કે ભાઈ શું કરી રહ્યા છે આ બધું બંધ કરો.