VIRAL VIDEO / લગ્નના માંડવામાં દુલ્હેરાજા બની ગયા ફોટોગ્રાફર, દુલ્હનને શિખવાડ્યા પોઝ

• લગ્નની સીઝનમાં વાયરલ વિડીયો. 
• વરરાજાએ પોતાના જ લગ્નમાં કરી ફોટોગ્રાફી.
• વિડીયો જોઈને લોકોએ આપ્યા અલગ અલગ રિએક્શન.

લગ્નની સીઝનમાં ખૂબ જ અલગ અલગ વિડીયોઝ વાયરલ થતા રહે છે. કેટલાક વિડીયોઝ ઈમોશનલ હોય છે, તો કેટલાક વિડીયોઝ ખૂબ જ ફની હોય છે. થોડા સમય પહેલા એક એવો વિડીયો વાયરલ થયો હતો, જેમાં એક દુલ્હો પોતાના લગ્નમાં પાલતુ કૂતરાને બાઈક પર લઈને જાય છે. આ વિડીયોને ઘણા વ્યૂઝ મળ્યા હતા. આવો જ એક પ્રકારનો વિડીયો વાયરલ થઈ રહ્યો છે. જેમાં એક વ્યક્તિ પોતાના જ લગ્નની ફોટોગ્રાફી કરી રહ્યો છે. 

સોશિયલ મીડિયા પ્લેટફોર્મ ઈન્સ્ટાગ્રામ પર આ વિડીયો અનેક વાર જોવામાં આવ્યો છે. જેમાં વરરાજા પોતાના જ લગ્નમાં ફોટોગ્રાફી કરી રહ્યો છે. વરરાજા અને વધુ મંડપમાં બેઠેલા જોવા મળી રહ્યા છે. વરરાજાની પાસે કેમેરા છે અને તે દુલ્હનના અનેક ફોટોઝ પાડી રહ્યો છે. વરરાજાના બીજા હાથમાં એક વસ્તુ છે, જેનાથી દુલ્હનના ચહેરા પર લાઈટ એડજસ્ટ કરી રહ્યો છે. 11 માર્ચના રોજ ફોટોગ્રાફર સિલેન નામના ઈન્સ્ટાગ્રામ એકાઉન્ટ પરથી શેર કરવામાં આવ્યો છે. આ વિડીયો શેર કર્યા પછી 33 લાખથી વધુ વ્યૂઝ મળ્યા છે. સૌથી પહેલા જોવો આ વાયરલ વિડીયો. 

 

 

 

 

View this post on Instagram

 

 

 

 

 

 

 

 

 

 

 

A post shared by Scylen Photo-Graphics (@wedding_photographer_scylen)

આ વિડીયો શેર કરીને કેપ્શનમાં લખ્યું છે કે, જો તમે ફોટોગ્રાફર સાથે લગ્ન કરી રહ્યા છો, તો પ્રકારે જ થાય છે. આ વિડીયો જોઈને લોકો અલગ અલગ કમેન્ટ કરી રહ્યા છે. કેટલાક યૂઝર્સ જણાવી રહ્યા છે કે, કોઈ વસ્તુ માટે આ પ્રકારે પેશન હોવું જોઈએ. તો અન્ય યૂઝરે કમેન્ટ કરી છે કે, અમે ફોટોગ્રાફર છીએ, જે વસ્તુ ગમે છે તેનો ફોટો કેપ્ચર કરી જ લઈએ છીએ. બીજા એક યૂઝરે કમેન્ટ કરી છે કે, અત્યાર સુધીનો સૌથી સરસ વિડીયો.