- દ્વારકાધીશ મંદિર ખાતે પહોંચ્યા ઉપરાષ્ટ્રપતિ વેંકૈયા નાયડુ
- પૂજારી પરિવાર દ્વારા ઉપરાષ્ટ્રપતિનું કરાયું સ્વાગત
- વૈકૈયા નાયડુએ ભગવાન દ્વાકાધીશના કર્યા દર્શન પૂજન
દેશના ઉપરાષ્ટ્રપતિ વૈંકેયા નાયડુ આજે હાલારના પ્રવાસે આવ્યા છે. આ અવસરે તેઓનું સવારે જામનગર એરપોર્ટ ખાતે મુખ્યમંત્રી ભુપેન્દ્ર પટેલ સહિતના આગેવાનોએ સ્વાગત કર્યું હતું. જ્યાં ટૂંકા રોકાણ બાદ તેઓ દ્વારકા જવા રવાના થયા હતા. જ્યાં દ્વારકાના નાગેશ્ર્વર અને જગત મંદિરે દર્શન કર્યા હતા. દ્વારકાધીશ મંદિર ખાતે પૂજારી પરિવાર દ્વારા ઉપરાષ્ટ્રપતિ વૈંકેયા નાયડુનું સ્વાગત કરાયું હતું. ત્યારબાદવૈકૈયા નાયડુએ ભગવાન દ્વારકાધીશના પાદુકા પૂજન કરી ભગવાન દ્વારકાધીશના આશીર્વાદ લીધા હતાં.
ઉપરાષ્ટ્રપતિ એમ. વેંકૈયા નાયડુ આજે દેવભૂમિ દ્વારકા જિલ્લાની મુલાકાતે આવ્યા હતા. ઉપરાષ્ટ્રપતિએ પત્ની ઉષાબહેન સાથે સપરિવાર જગત મંદિર ખાતે ભગવાન દ્વારકાધીશના દર્શન કરી ધન્યતા અનુભવી હતી.
દ્વારકા મંદિરના પૂજારી દ્વારા શાસ્ત્રોક્ત વિધિથી ઉપરાષ્ટ્રપતિને પૂજન - અર્ચન સાથે સાથે પાદુકા પૂજન પણ કરાવવામાં આવ્યું હતું. તેમજ મંદિરની પ્રદક્ષિણા કરી હતી. બાદમાં દેવકીજીના મંદિરમાં દર્શન કર્યા હતા.
આ પ્રસંગે ગુજરાતની ભાતીગળ સંસ્કૃતિ અભિવ્યક્ત કરતા આશાપુરા રાસ મંડળી - મકનપુર દ્વારા અને કસ્તુરબાગાંધી વિદ્યાલય - આરંભડા દ્વારા પરંપરાગત સાંસ્કૃતિક કાર્યક્રમ રજૂ કરી સ્વાગત ગીત રજૂ કરવામાં આવ્યું હતું. તેમજ સંગઠનના મહિલાઓ દ્વારા કુમકુમ તિલક કરી ઉપરાષ્ટ્રપતિશ્રીનું સ્વાગત કરવામાં આવ્યું હતું.
.jpeg)
આ તકે શિક્ષણમંત્રી જીતુ વાઘાણી, ચીફ પ્રોટોકોલ ઓફિસર જ્વલંત ત્રિવેદી, જિલ્લા કલેકટર એમ.એ.પંડ્યા, એસપી નિતેશ પાંડે, ગ્રામગૃહ નિર્માણ બોર્ડના પૂર્વ ચેરમેન મુળુ બેરા, દ્વારકા નગરપાલિકા પ્રમુખ જ્યોતિબેન સામાણી, સંગઠનના અગ્રણીઓ, શૈલેષ કણજારીયા, વિજય બુજડ સહિતના ઉપસ્થિત રહ્યા હતા.
