વાસ્તુ શાસ્ત્ર / ભાડે ઘર આપવા ઇચ્છો છો? તો પહેલા નોટ કરી લેજો આ બાબતો, નહીં તો હેરાન-હેરાન થઇ જશો

• તમે ઘર આપ્યું છે ભાડે? 
• તો પહેલા જરૂર અપનાવો આ વાસ્તુ ટિપ્સ 
• ભાડુઆત સાથે રિલેશન રહેશે સારૂ 

અમુક લોકો પાસે એકથી વધારે ઘર હોય છે માટે જે ઘર ખાલી હોય તેને ભાડે આપી દે છે. પરંતુ ઘણી વખત એવું થાય છે કે મકાન માલિક અને ભાડુઆત વચ્ચે કોઈને કોઈ વાતને લઈને ઝગડો કે અણબનાવ થતા રહે છે. એવામાં વાસ્તુ દોષ એક મોટુ કારણ હોઈ શકે છે. આ મુશ્કેલીઓથી બચવા માટે વાસ્તુ શાસ્ત્રમાં ઘણા ઉપાય જણાવવામાં આવ્યા છે. 

મુખ્ય દ્વારનું રાખો ખાસ ધ્યાન 
વાસ્તુ શાસ્ત્રના અનુસાર ઘરના મુખ્ય દ્વાર દરેક વ્યક્તિ માટે ખૂબ જ મહત્વપૂર્ણ માનવામાં આવે છે. મુખ્ય દ્વાર જ એક એવો રસ્તો છે જેના દ્વારા સકારાત્મક ઉર્જા ઘરમાં પ્રવેશ કરે છે. ઘરના મુખ્ય દ્વાર સમય સમય પર પેન્ટ કરાવતા રહો અને તેના પર તોરણ જરૂર લગાવો. આમ કરવાથી મકાન માલિક અને ભાડુઆતની વચ્ચે મધુર સંબંધ બની રહે છે. 

તરત હટાવી લો આ વસ્તુઓ 
વાસ્તુ શાસ્ત્ર અનુસાર ભાડા પર મકાન આપતા પહેલા ઉપયોગમાં ન આવતી તૂટેલી વસ્તુઓને રિપેર કરાવી લો અથવા તો તરત તેને તે જગ્યાથી હટાવી લો. ખરાબ પડેલી વસ્તુઓ ઘરમાં નકારાત્મક ઉર્જાને પ્રોત્સાહન આપે છે. 

નળનું ખાસ ધ્યાન રાખો 
વાસ્તુ શાસ્ત્ર અનુસાર ભાડા પર ઘર આપતા પહેલા તે ઘરના દરેક નળને સારી રીતે તપાસી લો. તેમાંથી કોઈ નળ લીક નથીને તે જોઈલો. જો નળમાંથી પાણી ટપકી રહ્યું છે તો ભાડા પર રહેવા આવેલા વ્યક્તિને આર્થિક, શારીરિક અને માનસિક મુશ્કેલીઓ આવી શખે છે. 

ઘરનો આ ભાગ ન આપો ભાડે 
વાસ્તુ શાસ્ત્ર અનુસાર જે ઘરમાં તમે રહો છો તેનો એક ભાગ જો તમે ભાડા પર આપવા માંગો છો તો સાઉથ વેસ્ટ વાળો ભાગ ભાડે ન આપો. આમ કરવાથી ભાડુઆતના માલિક બનવાની સંભાવના વધી જાય છે.